Derisa Evropën e ka kapluar një valë e të nxehtit ekstrem, në Australi është duke mbretëruar një mot krejtësisht ndryshe.

Atje ka filluar të bie borë dhe erërat e fuqishme që po fryjnë me shpejtësi të madhe, ka bërë që gjithë qytetarët të kenë probleme të lëvizin lirshëm.

Meteorologët kanë këshilluar qytetarët të qëndrojnë nëpër shtëpi dhe të shmangin udhëtimet detare dhe hekurudhore, transmeton Telegrafi.

Deri më tani rënia e borës është regjistruar në New South Wales, Victoria dhe Kanbera, kurse në zonat malore meteorologët njoftojnë se trashësia e borës shkon në 80 centimetra.

E si pasojë e erërave të forta është vështirësuar edhe trafiku ajror, kështu në aeroportin e Sydney janë anuluar disa fluturime, kurse në zona tjera raportohet se erërat po fryjnë me shpejtësi prej 100 kilometra në orë. /Telegrafi/