Prishtina dhe Drita i kanë ndarë pikët në barazimin 1-1 për takimin që ishte planifikuar që të zhvillohej në kuadër të javës së tretë në Superligën e Kosovës.

Vendasit e filluan më mirë takimin, duke rrezikuar pas vetëm 17 minutash lojë me anët të Otto John që shpërdoroi një rast të sigurt.

Drita më pas kishte po ashtu një rast të mirë shënimi, mirëpo Kastriot Rexha (18’) gjuajti jashtë porte.

Momenti vendimtar i ndeshjes erdhi në minutën e 39-të, kur Besnik Krasniqi shënoi nga penalltia, për të zhbllokuar ndeshjen.

Pjesa e dytë filloi më mirë për Dritën, që kishte disa aksione të mira, mirëpo që arriti të konkretizonte një.

Endrit Krasniqi në minutën e 61-të bëri një driblim të mirë, mirëpo e zuri në pozitë jashtë loje Kryeziun, që nuk arriti të shfrytëzonte atë rast.

Ishte minuta e 85-të, kur Fidan Gërbeshi shënoi nga pika e bardhë për mysafirët, duke i barazuar shifrat në 1-1.

Ilir Blakçori (90+2′) i Dritës u ndëshkua me kartonin e dytë të verdhë dhe u përjashtua nga loja, por skuadra e tij mori së paku një pikë, duke u shpallur kështu kampione e stinorit vjeshtor.

Pas 18 xhirove të luajtura, Drita vazhdon të jetë lider me 41 pikë, derisa Prishtina është në të tretin me 32 sosh.

Me këtë derbi të zhvilluar në stadiumin Fadil Vokrri, kështu edhe mbyllet stinori vjeshtor, derisa skuadrat do të përgatiten për atë pranveror, por fillimisht do të tentojnë t’i bëjnë disa transferime. /Telegrafi/