LAJMI I FUNDIT:

De Biasi në mbrojtje të Panuccit: Bën gjithçka mundet me futbollistët që ka në dispozicion

De Biasi në mbrojtje të Panuccit: Bën gjithçka mundet me futbollistët që ka në dispozicion
Gianni De Biasi (Foto: Gabriele Maltinti/Getty Images/Guliver)

Humbja e thellë prej 4-0 e pësuar ndaj Skocisë në “Loro Boriçi” të Shkodrës ka rritur presionin mbi trajnerin e Shqipërisë, Christian Panucci, që po përballet me mundësinë e shkarkimit të tij nga Kombëtarja kuqezi.

Ai që i del në mbrojtje teknikut italian të kuqezinjve është bashkëkombësi e njëkohësisht paraardhësi i tij në bankën shqiptare, Gianni De Biasi.

Përzgjedhësi i Shqipërisë, Christian Panucci (Foto: Ian MacNicol/Getty Images/Guliver)

“Ishte situatë e vështirë për trajnerin, pasi skuadra ishte në inferioritet numerik ndaj një kundërshtari që vraponte shumë. Nuk ishte aspak e lehtë, pasi mungonin disa lojtarë, Roshi, Sadiku dhe tani Hysaj”.

Lajmet për Panuccin
Lexo po ashtu Lajmet për Panuccin

“Ekipi nuk ishte i plotë dhe hasi në shumë vështirësi ndaj një skuadre të fortë. Unë dal në mbrojtje të trajnerit, pasi bën gjithçka mundet me futbollistët që ka në dispozicion”, ka deklaruar ish-trajneri i kuqezinjve, citon Top Channel.

Ish-trajneri i Kombëtares, Gianni De Biasi (Foto: Gonzalo Arroyo Moreno/Getty Images/Guliver)

De Biasi foli edhe për mbarëvajtjen e ndeshjes, duke theksuar se goli i pësuar në fillim dhe kartoni i kuq i Mërgim Mavrajt patën një ndikim të fortë te vijimi i lojës nga skuadra kuqezi.

“Nuk ka shumë për të thënë. Për fat të keq pësuam gol që në fillim më pas luajtëm gjatë gjithë ndeshjes me 10 futbollistë”.

“Skocia është një skuadër e fortë, me lojtarë cilësorë në përbërje dhe që ishin në gjendje shumë të mirë fizike. Ishte një ndeshje shumë më e vështirë nga sa e imagjinoja”, ka theksuar De Biasi.

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Kalo në kategori