Courteney Cox mezi po pret të shohë miqtë e saj.

Aktorja 55-vjeçare së fundmi iu bashkua komedianit Kevin Nealon për një episod të “Hiking with Kevin”, ku ajo zbuloi disa detaje në lidhje me ribashkimin e ardhshëm special të “Friends”.

“Gjëja më emocionuese është se ne po bëhemi bashkë për të parën herë, në një dhomë, dhe të flasim për shoun”, ka thënë Cox. “Dhe do të jetë në HBO Max, jemi shumë të emocionuar”. “Ne do të kemi kohën më të mirë. Do të jetë e mahnitshme”, tha më tej aktorja.

“Por, ne me të vërtetë nuk i kemi bërë të gjitha këto dhe në fakt u ulëm atje dhe folëm dhe rikujtuam për këtë përvojë të jashtëzakonshme që kemi. Do të jetë fantastike”.

Edicioni speiclal i ribashkimit u konfirmua nga HBO Max javën e kaluar në një njoftim për shtyp. Në njoftim thuhej se Cox do të bashkohej me Jennifer Aniston, Lisa Kudrow, David Schwimmer, Matthew Perry dhe Matt LeBlanc.

Yjet e “Friends” do të kthehen me një episod special Yjet e “Friends” do të kthehen me një episod special

Cox bisedoi gjithashtu me Nealon, 66-vjeç, për atë se si do të dukej ribashkimi i saj “ideal” me bashkë yjet e saj.

Thuhet se bisedimet kishin nisur vitin e kaluar, mirëpo kishin dështuar për shkak të mosmarrëveshjeve lidhur me aspektin financiar, gjersa tani raportohet se janë pajtuar të gjitha palët. /Telegrafi/