Deontay Wilder mund të pres deri në muajin tetor që të zhvillojë përballjen e tretë me Tyson Furyn për titullin WBC në peshat e rënda.

‘Bronze Bomvber’ e humbi titulli  kampionit në muajin shkurt, duke u nokautuar në raundin e shtatë nga The Gypsy King.

Wilder menjëherë e aktivizoi klauzolën për të zhvilluar trilogjinë që parashihet të mbahet më 18 korrik të këtij viti në MGM Grand Arena në Las Vegas.

Deontay Wilder dhe Tyson Fury (Foto: Al Bello/Getty Images/Guliver)

Por, duke parë që të gjitha aktivitete në boks janë suspenduar nga coronavirusi, edhe ky meç është në rrezik të shtyhet.

“Është e qartë që s’do të mundë të zhvillohet meçi. Ne nuk e dimë as a do të jetë e hapur Grand Arena në Las Vegas në atë datë”, ka thënë promovuesi i Furyt, Bob Arum për ESPN.

Dueli i McGregor, trilogjia mes Fury e Wilder dhe mbrojtja e titullit nga AJ – mund të zhvillohen në korrik Dueli i McGregor, trilogjia mes Fury e Wilder dhe mbrojtja e titullit nga AJ – mund të zhvillohen në korrik

“Duhet të bëjmë që të gjithë një hap mbrapa. Boksi nuk është i izoluar, por është gjendja aktuale në botë. Ndoshta takimi mund të zhvillohet në muajin tetor”, ka shtuar më tej ai.

Përballja e parë mes dy boksierëve kishte përfunduar me barazim, derisa i dyti u fitua nga Fury. /Telegrafi/