Mesfushori brazilian, Fernandinho do të largohet nga City në përfundim të këtij edicioni.

Pas nëntë viteve qëndrim në Etihad Stadium, Fernandinho do të largohet si futbollist i lirë për ta vazhduar karrierën në Brazil.

E duke parë boshëllëkun që do ta lë braziliani, City tanimë ka gjetur zëvendësuesin e tij.

Kampioni në fuqi i Anglisë synon afrimin e mesfushorit të Leeds United, Kalvin Phillips.

26-vjeçari produkt i akademisë së Leeds United, pritet të largohet nga skuadra pasi synon që të luaj në ndonjërin klub më të madh anglez.

Pep Guardiola e pëlqen shumë lojtarin dhe i ka bërë të qartë drejtuesve të klubit se dëshiron transferimin e tij për edicionin e ri.

Për të arritur deri te Phillips, City është gati të shpenzojë rreth 50 milionë euro.

Gjithsesi në garë për lojtarin janë edhe Arsenal, Manchester United, West Ham United e Aston Villa. /Telegrafi/