LAJMI I FUNDIT:

Çitaku: Heshtja e ndërkombëtarëve për Daçiqin dhe Vulinin është shurdhuese

Çitaku: Heshtja e ndërkombëtarëve për Daçiqin dhe Vulinin është shurdhuese

Ambasadorja e Kosovës në Shtetet e Bashkuara të Amerikës, Vlora Çitaku, e ka komentuar letrën e ministres së Jashtme Haradinaj Stublla, drejtuar ambasadorëve të Kuintit, lidhur me kërcënimet e ministrit të Jashtëm të Serbisë, Ivica Daçiq.

Përmes një shkrimi në llogarinë e saj në Facebook, Çitaku tha se Daciq kërcënoi publikisht serbët që dëshirojnë të tregojnë për varret masive të shqiptarëve, pastaj Vulin ofendon shqiptarët në komunikata zyrtare dhe komuniteti ndërkombëtar po heshtë.

“Fillimisht ministri i Jashtëm i Serbisë, publikisht kërcënon serbët që shprehin gatishmëri të shpërndajnë informacione lidhur me lokacionin e varreve masive në Serbi.

Pastaj, ministri i Mbrojtës së Serbisë përdorë gjuhë denigruese kundrejt shqiptarëve në një komunikatë zyrtare.

Më shumë se 1000 shqiptarë aktualisht janë të pagjetur në luftën që përfundoi në vitin ’99.

Heshtja e komunitetit ndërkombëtar është shurdhuese”, ka shkruar Çitaku në Facebook.