LAJMI I FUNDIT:

Ciao Berto, një mbështetës i madh për SOS Fshatrat e Fëmijëve në Kosovë!

Ciao Berto, një mbështetës i madh për SOS Fshatrat e Fëmijëve në Kosovë!

Në përfundim të javës për të drejtat dhe mbrojtjen e fëmijëve, “Bashkë Rritemi”, u përurua Qendra Mbështetëse për strehim familjar – një iniciativë e krijuar me ndihmën e Ciao Berto.

Kjo qendër, e cila do të funksionoje në kuadër të Programit për informim, zhvillim dhe edukim të prindërve strehues dhe adoptues, është një hap i rëndësishëm për të siguruar mbështetje dhe ndihmë për familjet që kanë zgjedhur të pranojnë fëmijët në nevojë. 

Programi ka filluar të zbatohet për herë të parë në Kosovë nga SOS Fshatrat e Fëmijëve Kosovë në 2021, me qëllim të fuqizimit të sistemit të strehimit familjar përmes zhvillimit të Metodologjisë PRIDE në Kosovë. 

Ciao Berto ka qenë i gatshëm të ofrojë ndihmën e tyre të vazhdueshme në këtë çështje, duke konfirmuar angazhimin e tyre ndaj komunitetit dhe kujdesit për fëmijët në nevojë. 

Por, kontributi i tyre nuk do të ishte i mundur pa SOS Fshatrat e Kosovës. Ciao Berto dëshiron të shprehë mirënjohje të thella ndaj ekipit të SOS Fshatrave për mundësinë që i kanë dhënë për të ndihmuar. 

Duke u përkushtuar në mbështetjen e fëmijëve në nevojë, Ciao Berto është i nderuar për mundësinë e bashkëpunimit me  SOS Fshatrat e Fëmijëve Kosovë.