Chris Pine befason me ndryshimin në dukje, mezi njihet me flokët dhe mjekrën e gjatë

Aktori i njohur, Chris Pine shfaqi fizikun e tonifikuar në një bluzë të bardhë kur u pa në Los Angeles këtë javë.

Pine befasoi me dukjen e tij të re kur u pa me flokë deri te supet dhe një mjekër të gjatë dhe të thinjur.

Pamja e tij aktuale ishte shumë larg asaj me të cilën ai njihet që kur u bë i famshëm në filmat e “Star Trek”.

Në qafë mbante një gjerdan prej ari, teksa u pa i veshur me në një palë pantallona të shkurtra të zeza dhe me syze dielli, shkruan DailyMail.

Dalja e fundit e Chris vjen pas lajmeve se ai po planifikon të bëjë debutimin e tij si regjisor me një film misterioz komik të quajtur “Poolman”.

Ai gjithashtu do të luajë në film mes një kasti aktorësh si Annette Bening dhe Danny DeVito, sipas Deadline.

Në komedinë misterioze, Pine portretizon një “ëndërrimtar dhe filozof të pafat, i cili i kalon ditët e tij duke u kujdesur për pishinën e bllokut të apartamenteve Tahitian Tiki në Los Angeles”.

Përveç regjisë dhe interpretimit në film, Chris është gjithashtu bashkë-skenarist me Ian Gotler, i cili luajti me të në disa filma të shkurtër në 2014.

Pine u kap për herë të fundit nga paparacët në nëntor të 2021 kur ishte duke u shoqëruar me ish-partneren, Zoë Kravitz.

Pine dhe Kravitz, 33 vjeç, u lidhën për herë të parë në vitin 2010 pasi kaluan kohë së bashku në Met Gala të atij viti. Tre vjet më vonë, spekulimet e lidhjeve u përhapën teksa morën pjesë së bashku në disa evente në Javën e Modës në Londër.

Por, asnjëra palë nuk konfirmuar asnjëherë romancën mes tyre.

Ndërkohë, Kravitz aktualisht po takohet me yllin e “Magic Mike”, Channing Tatum. /Telegrafi/