Trajneri i Përfaqësueses së Kosovës, Bernard Challandes ka folur rreth lëndimeve të lojtarëve në konferencën për shtyp para ndeshjes me Kombëtaren e Çekisë.

Kosova është nikoqire e Çekisë në ndeshjen e vlefshme të Grupit A në kuadër të eliminatoreve për Euro 2020, e cila zhvillohet nesër (e shtunë) nga ora 15:00 në stadiumin Fadil Vokrri.

Trajneri Challandes e ka vlerësuar lartë kundërshtarin, por ka thënë se me pasion, forcë dhe mbështetje të madhe mund të arrijnë fitore.

Challandes: Çekia kundërshtar i fortë, na duhet një ndeshje dhe përkrahje e çmendur pasi kemi një ëndërr Challandes: Çekia kundërshtar i fortë, na duhet një ndeshje dhe përkrahje e çmendur pasi kemi një ëndërr

Challandes gjithashtu u ndal tek lëndimet e shumta të lojtarëve, ku foli në theks të veçantë për dyshen sulmuese, Milot Rashica dhe Arbër Zeneli.

Challandes në konferencë për shtyp (Foto: Ridvan Slivova/Telegrafi)

“E kam theksuar edhe javën e kaluar për mungesat e rëndësishme që kemi për këtë ndeshje. Por, ne nuk do të bëjmë zëvendësime individuale”, ka thënë fillimisht Challandes në konferencën për shtyp.

“Nuk kemi një klon për Rashicën apo për Zenelin. Prandaj, duhet të punojmë më shumë si ekip për këto dy ndeshje”.

Shumë mungesa në ndeshjen vendimtare, ky është formacioni i mundshëm i Kosovës për ndeshjen ndaj Çekisë Shumë mungesa në ndeshjen vendimtare, ky është formacioni i mundshëm i Kosovës për ndeshjen ndaj Çekisë

“Kjo është zgjidhja ime, duhet të punojmë shumë, shumë dhe shumë si ekip”, përfundoi trajneri i Kosovës.

Ndryshe, tri ditë më vonë Dardanët do të udhëtojnë drejt Anglisë për ndeshjen e radhës kualifikuese. /Telegrafi/