California tejkalon New Yorkun për nga numri i rasteve me coronavirus

New Yorku më nuk është vendi me numrin më të madh të të infektuarve me COVID-19 në Shtetet e Bashkuara të Amerikës.

Këtë epitet tani e gëzon shteti i Kalifornisë, i cili ka pasur kohët e fundit një numër të madh të infektuarve, raporton Los Angeles Times, transmeton Telegrafi.

Shteti kalifornian tashmë raporotohet se ka mbi 409 mijë persona të infektuar me coronavirus, sipas Qendrës së Burimeve të Coronavirusit në Universitetin Johns Hopkins.

Në këtë formë, New Yorku është shteti i dytë me numrin më të madh të njerëzve të prekur me COVID-19, përkatësisht ka të raportuar 408.886 rastesh.

Kalifornia është bërë vendi i parë pjesërisht edhe shkaku se është shteti më i populluar në SHBA (39.5 milionë banorë), por edhe sepse miliona banorë nuk kanë qenë të gatshëm, ose nuk kanë mundësi, të praktikojnë distancimin shoqëror dhe maskimin, që ekspertët e shëndetit thonë se janë masat më të mira për të mbajtur SARS-CoV -2.

Lexo po ashtu Çdo orë gjatë kësaj jave, SHBA-ja ka regjistruar rreth 2600 raste të reja me coronavirus

Ndryshe, zyrtarët kalifornian fillimisht në mars mbylli të gjitha bizneset thelbësore, siç janë dyqanet ushqimore, të cilat ngadalësuan përhapjen e virusit. Por, ndërsa shteti rihapi pjesën më të madhe të ekonomisë, përfshirë baret dhe restorantet përgjatë majit dhe qershorit, shkalla e infeksionit u rrit ndjeshëm në javët e fundit.

Ndryshe, SHBA-ja ka më shumë katër milionë njerëz të prekur me COVID-19 dhe më shumë se 146 mijë njerëz kanë vdekur. /Telegrafi/