Cafu u detyrua ta shesë vilën e tij me gjysmë çmimi, shkak borxhet e mëdha

Futbollisti legjendar brazilian, Marcos Evangelista de Morais, i njohur më mirë si Cafu, iu desh të shiste vilën e tij familjare për të shlyer borxhet e akumuluara.

Cafu u detyrua të bënte një lëvizje të dëshpëruar. Ai shiti një vilë me vlerë rreth tetë milionë euro në lagjen e pasur Alphaville në Sao Paulo për “vetëm” 4.7 milionë, për të hequr qafe borxhet e shkaktuara nga bizneset e dështuara.

53-vjeçarit brazilian iu dhanë 45 ditë kohë për t’u larguar nga prona luksoze pasi gjyqtari konfirmoi shitjen. Ai u përpoq të ndalonte ankandin, duke pretenduar se vila ishte rezidenca e tij kryesore dhe se sipas ligjit brazilian nuk mund t’i hiqej si pronë e familjes.

Megjithatë, argumentet e tij u refuzuan dhe ankandi vazhdoi. Vila është blerë nga një kompani që do të dorëzojë paratë me një depozitë fillestare dhe më pas do të paguajë 15 këste mujore.

“#Cafu costretto a vendere la super villa: il motivo è inaspettato”: Secondo il portale brasiliano Uol l’ex terzino della #Roma sta perdendo la casa che dispone di sei suite, piscina, campo da calcio e sala cinema https://t.co/xvFaNprZUO pic.twitter.com/oWx88rCSTI

— sportlive (@sportli26181512) December 6, 2023

Sipas mediave lokale braziliane, Cafus tashmë i janë konfiskuar pesë prona për shkak të borxheve financiare që ai ka shkaktuar falë fillimit të kompanisë Capi Penta. Ai e filloi kompaninë në vitin 2004 së bashku me gruan e tij Regina, dhe synimi ishte të menaxhonte karrierën e sportistëve dhe futbollistëve të ndryshëm.

Ai konfirmoi në fillim të këtij viti se ka probleme me borxhe.

“Shumë thonë se jam “i prishur”, por nuk jam. Unë kam probleme me borxhet, por do të zgjidhen. Me mundin, punën, djersën dhe angazhimin tim kjo do të zgjidhet”, ka thënë Cafu me optimizëm.

Brazil icon Cafu’s £6.5million mansion with lift, cinema and football pitch is auctioned off to help settle debt – https://t.co/6seLHdMELm

— BeeNews (@beenews279) December 6, 2023

Kjo pronë e shtrenjtë duhej të dilte në shitje në shtator, por ajo u pezullua pas një mosmarrëveshjeje për vlerësimin e vlerës së saj. Tani më në fund është shitur për më pak se pesë milionë euro.

Meqë ra fjala, Cafu mbahet mend si lojtari me më shumë paraqitje për kombëtaren braziliane (142) dhe si lojtari i vetëm në histori që ka luajtur tre herë në finalet e kampionateve botërore.

Duke luajtur për Milanin, Romën dhe Brazilin, ai fitoi pothuajse gjithçka që mund të fitohej në botën e futbollit. Ai doli dy herë kampion bote me Brazilin dhe dy herë fitoi Kupën e Amerikës, fitoi Ligën e Kampionëve me Milanin dhe dy herë ishte kampion i Italisë. /Telegrafi/