Bytyqi: Ekonomia nuk mund të pret në zgjidhje afatgjate për fuqinë punëtore, nevojiten punëtorë menjëherë

Importi i fuqisë punëtore nuk mund të jetë zgjidhje afatgjate në asnjë vend, por ekonomia nuk mund të pret me vite në zgjidhje afatgjate, por i nevojitet fuqi punëtore menjëherë, porositi sot zëvendëskryeministri për çështje ekonomike, Fatmir Bytyqi.

Në përgjigje të pyetjes së gazetarëve pas fjalimit të konferencës rajonale me temë: “Si të sigurohet bashkëpunimi më i madh mes ekonomive nga Ballkani Perëndimor – sfida dhe mundësitë”, që e organizon Oda ekonomike e Maqedonisë së Veriut”, tha se punëdhënësit nëse do të mundeshin do të ofronin paga më të mëdhe që t’i tërheqin të papunët që t’i pranojnë vendet e punës që ofrohen në trgun e punës.

“Në tre vitet e fundit pagat janë më të larta nga ato që kanë qenë më parë, por në Agjencinë për punësim sot ka 9.628 vende të lira pune. Para vetëm një jave ishin të lira 7.500 vende pune”, tha Bytyqi. Theksoi se në Agjencinë për punësim janë regjistruar 115.000 të papunë.

Vendet e lira pune, sipas Bytyqit, duhet të plotësohen që andej, por fatkeqësisht nuk po plotësohen.

“Në asnjë vend zgjidhja afatgjatë nuk është importi i fuqisë punëtore, por ekonomia nuk mund të presë zgjidhje afatgjata pesë deri në dhjetë vjet. Çfarë do të bëjë ekonomia nëse këto vende pune nuk plotësohen për pesë vjet – do të thotë mbyllje e kompanive. Këto vende pune janë të hapura sepse u nevojiten kompanive që të ofrojnë aktivitetin primar për të cilin janë regjistruar”, theksoi Byyqi

Ai theksoi se gjendja aktuale me fuqinë punëtore në vend është pasojë e punës së disa zyrtarëve që kanë filluar punën në vitin 1991.

“Me siguri atje qëndron përgjigja për atë që po flasim sot. Nuk mund të mbaj përgjegjësi për sjelljen e dikujt 20, 30, 10 apo pesë vite më parë”, thekson Bytyqi.