Kanadezi Remy për herë të parë bëri tatuazh në vitin 2009, kurse tani i tërë trupi i tij është i mbuluar me to.

Madje nuk e fsheh që për këtë “pasion” ka ndarë shuma të majme të parave – saktësisht rreth 120 mijë dollarë, transmeton Telegrafi.

Fillimisht vendosi ta bëjë tatuazh emrin e të birit, e pjesa tjetër sipas tij është histori. Përveç tatuazheve, i pëlqejnë edhe vathët.

Pjesë e trupit të tij që kanë mbetur të “paprekura” janë fytyra, shputat dhe shuplakat. Në pyetjen e revistës Daily Star, se cili tatuazh i ka shkaktuar më së shumti dhimbje, ai u përgjigj shkurt: “Pjesa e brendshme e kofshës, mezi e kam duruar dhimbjen”.

Edhe pse çdo ditë merr një numër të madh të komenteve negative për shkak të pamjes, atij nuk është se i bëjnë shumë përshtypje.

Përkundrazi, tha se familja dhe miqtë asnjëherë nuk e kanë kritikuar për këtë veprim.

“Komente negative kam marrë nëpër rrjete sociale. Injoroj njerëzit negativ sepse e di se ajo çfarë i pengon nuk jam unë. Kanë problemet e veta. Njerëzit që më takojnë janë kurioz”, shtoi ai.

Remy këshilloi të tjerët që planifikojnë të bëjnë shumë tatuazhe që mos nguten. Sipas tij çdo “udhëtim” zgjat shumë, por bëhet më interesant.

Në kanalin e tij në YouTube, ka folur në mënyrë më të detajuar për këtë proces. Në Instagram është tallur sesi veshët e tij ia rikujtojnë djathin. /Telegrafi/