Emrin e tij e kemi dëgjuar gjithmonë si Revolt Klan, por viteve të fundit, ai ka ndërtuar një karrierë të re muzikore edhe si solo artist.
Fjala është për këngëtari Bruno, i cili në më shumë se një dekadë, së bashku me mikun e tij, Febi Shkurti, kanë sjellë hite të shumta nën ombrellën e emrit Revolt Klan.
Mirëpo Bruno ka tashmë të nxjerra në treg edhe disa këngë solo shumë të suksesshme, ku nga to spikat edhe kënga më e fundit e tij, “I don”.
Bruno në një intervistë për Telegrafin ka treguar arsyen se pse vendosi të fillojë një karrierë të re solo, çfarë do të ndodhë me grupin dhe cilat janë aspiratat e tij për të ardhmen.
Bruno, keni publikuar pak kohë më parë këngën tuaj më të re “I don”. Na trego pl sa je ndarë i kënaqur me suksesin e saj?
Po kam gati katër javë që e kam publikuar dhe jam ndjerë shumë i kënaqur dhe është pritur shumë mirë nga publiku deri tani.
Një këngë ritmike-verore në fund të sezonit. Na thuaj pak sa oshte risk për ty që ta publikoje këtë këngë në këtë periudhë?
Unë nuk eci fare me këto formula që rrezikon suksesi apo jo. Ndoshta mund të ndikoj pak por prap kam kaluar atë fazë e ndjeva që ishte momenti i duhur dhe e publikova (qesh).
Ti tashmë po bën emër si Bruno por ke qenë më shumë i njohur nga Revolt Klan. Na trego pak çfarë ndodhi ke grupin?
Po vazhdoj ende të jem me grupin Revolt Klan, madje shumë shpejt do sjellim një projekt te ri si grup. Me grupin thjesht bëmë një periudhë kohë pauzë dhe eksperimentuam pak si solo, por ka ardhur koha të rikthehemi përsëri me një projekt super të fortë dhe uroj të gjitha ata që mezi presin të na shohin prapë bashkë mos të zhgënjehen.
Në çfarë jeni duke punuar aktualisht, çfarë presin fansat nga ty?
Jam duke punuar për projektin me grupin, por patjetër dhe një solo përsëri.
Di të këndosh në zhanre të ndryshme, por cili zhanër të rri më mirë?
Unë këndoj live në çdo aktivitet, koncert timin por dhe të grupit ne këndojmë live…më mirë mendoj se më rrinë këngët pop/rock por dhe stili që bëj dhe që publiku e ka pëlqyer më rri shumë mirë (qesh).
Jemi në prag të festivalit të fundvitit në RTSh. A do t’ju shohim aty dhe çfarë mendumi keni për mënyrën e përzgjedhjes së përfaqësuesit në Eurovision?
Jo për fat të keq, unë s’kisha asnjë projekt gati për të prezantuar në Festivalin e Fundvitit. Por mendoj se është shumë procedurë e mirë sepse vendosin një juri shumë profesionale, por s’di çfarë të them nëse janë të drejtë apo jo deri në fund?! Për këtë s’jam shumë i sigurt nëse janë deri në fund të sinqertë.
Ju njohim si këngëtar dhe pak dimë nga jeta juaj private. Dimë që sivjet jeni martuar, na trego pak më shumë se si është Bruno në jetën e përditshme?
Po, bëra dasmë këtë verë dhe një nga arsyet pse s’kam qenë aktiv këtë vit me koncerte, ka qenë angazhimi që kam pasur me dasmën…jeta e përditshme është e mbushur plot me angazhime por dhe një orë në ditë ja kushtoj vetes, duke bërë palestër, stërvitem.
Një ditë e juaja e zakonshme, si nis, si vazhdon dhe si përfundon?
Unë paradite jap leksione kanto dhe muzikën e lehtë popullore në një kolegj shumë serioz dhe te njohur privat në Shqipëri, “Wilson”. Pasi mbaroj aty e gjithë koha ime përkushtohet në familje dhe në muzike duke krijuar dhe prodhuar shumë demo.
Thënia juaj e jetës?
Ëndrra vazhdon, jeta është e bukur sepse ka edhe ditë me shi.
Bruno, faleminderit shumë që ishe pjesë e intervistës. Për fund, cili do të ishte mesazhi yt për lexuesit e Telegrafit?
Faleminderit shume për intervistën, u ndjeva si në shtëpinë time. Mesazhi im për të gjithë lexuesit është që në këto kohë të vështira, qëndroni pranë familjes, të qëndroni të fortë, jeta është e bukur dhe duhet shijuar me familjen dhe përkushtohuni te gjërat që ju japin më shumë mundësi për të ecur përpara dhe vlerësoni sa më shumë pjesëtaret e familjes dhe miqtë që vërtetë ju duan. Dhuroni sa më shumë dashuri, dhuroni buzëqeshje aty ku mungon dhe Zoti patjetër që shikon dhe vlerëson. Ju dua. /Telegrafi/
Promo
Reklamo këtuLufta Prigozhin - Putin
Më shumëDeklaron mbi 58 mijë euro 'cash', zbulohet shuma me të cilën u pagua Anita Haradinaj si opinioniste në Big Brother VIP Kosova
Kosova me Mirënjohje të Veçantë në Bienalen e Venecias – ministrja serbe e lëshon sallën
Sa është e pasur Adriana Matoshi? Aktorja dhe deputetja e njohur deklaron pasurinë e saj
Alby the Goat në lidhje të re dashurie pas eksperiencës në Big Brother VIP Kosova
“Çorapet blu, kishin domethënien ‘qetësohu’”, Fifi dhe Sara tregojnë kodet që familjarët u dërgonin përmes rrobave në Big Brother VIP Albania
Çifti i famshëm i futbollit që luajnë për të njëjtin ekip, kanë një rregull në shtëpi që duhet ta respektojnë të dy
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel