LAJMI I FUNDIT:

Blinken e krahason Dodikun me Putinin

Blinken e krahason Dodikun me Putinin

Sekretari amerikan i Shtetit, Antony Blinken komentoi sjelljen e presidentit të Republikas Srpska, Milorad Dodik dhe u dërgoi një mesazh qytetarëve të Bosnje-Hercegovinës.

Blinken e krahasoi Dodikun me presidentin e Rusisë, Vladimir Putin.

“Sulmet e Milorad Dodik ndaj të drejtave dhe lirive themelore në Republika Srpska tregojnë se ai është në rrugën autoritare të presidentit Putin. Departamenti i Shtetit, i përfaqësuar nga ambasadori Murphy, vazhdon të avokojë për të ardhmen demokratike dhe të begatë që të gjithë qytetarët e Bosnjës dhe Hercegovina e meritojnë”, shkroi Blinken në Twitter.

Ky mesazh i shkurtër është jashtëzakonisht i rëndësishëm sepse Blinken, i cili praktikisht është personi i dytë më i rëndësishëm në administratën amerikane pas presidentit, iu drejtua drejtpërdrejt Dodikut.

Kjo tregon se Uashingtoni i kushton shumë vëmendje ngjarjeve në Bosnje-Hercegovinë dhe se lëvizjet e Milorad Dodik po ndiqen nga afër.

Kujtojmë se Republika Serbe nën drejtimin e Dodikut njoftoi ose inicioi miratimin e një sërë ligjesh që do të cenonin drejtpërdrejt të drejtat dhe liritë e njeriut, si ligji për median, organizatat joqeveritare, popullatën LGBT etj. Këto lëvizje patën jehonë të qartë në Uashington.

Përveç kësaj, Dodik vendosi që Republika Srpska të prishë marrëdhëniet diplomatike me ambasadën e SHBA-së në Bosnje dhe Hercegovinë, që është një veprim jashtëzakonisht armiqësor që me siguri do të pasohet nga një përgjigje e ashpër. /Telegrafi/