Sipas shënimeve të Agjencisë së Statistikave, në vitin e kaluar Kosova thelloi edhe më tutje deficitin tregtar. Të dhënat thonë se Kosova rriti importin nga vendet e BE-së, por eksporti drejt këtyre vendeve shënoi rënie.
Te tregtia me vendet e CEFTA-s Kosova vazhdon të blejë më së shumti mallra nga Serbia, ndërsa shitjen e mallrave të veta më së shumti e bën në Shqipëri.
“Të dhënat nga Tregtia e Jashtme në Kosovë tregojnë për një deficit tregtar në vlerë prej 2 479.8 milionë eurosh, ose shprehur në përqindje deficiti tregtar ishte më i lartë për 7.4 për qind, krahasuar me vitin 2015. Pra, edhe në këtë vit kemi bilanc negativ”, thuhet në publikimin e ASK-së.
Në publikim tregohet edhe sa ishin eksportet dhe importet e Kosovës.
“Totali i eksporteve në vitin 2016 ishte 309.6 milionë euro, ndërsa totali i importeve ishte 2 789.4 milionë euro. Eksporti mbulon importin për vetëm 11.1 për qind”, thuhet në raport.
Eksportet e Kosovës shënuan një rënie për -4.8 për qind.
“Duke krahasuar të dhënat e eksporteve për mallrat kosovare gjatë vitit 2016 me ato të vitit 2015, shifrat tregojnë një rënie vjetore për (-4.8 për qind). Rënie që ka rritur edhe më tej bilancin negativ tregtar të Kosovës”, sqaron komunikata.
Importet nga vendet e BE-së për në Kosovë u rritën, por eksportet shënuan rënie. Partneri kryesor i Kosovës ishte Gjermania.
“Të dhënat e tregtisë së mallrave për importin e Kosovës në vitin 2016 kanë shënuar një rritje vjetore rreth 5.9 për qind, duke krahasuar me vitin paraprak 2015. Eksportet e Kosovës në vendet e BE-së arritën në 69,9 milionë euro, ose 22.6 për qind e eksporteve të përgjithshme, me një rënie prej 34.0 për qind. Partnerët kryesorë për eksportin e mallrave në BE ishin: Gjermania me 4.5 për qind, Holanda me 3.8 për qind, Bullgaria me 3.6 për qind dhe Austria me 2.2 për qind.” thuhet më tutje në publikim.
Raporti konstaton se në krahasim të 2016-ës me 2015-ën, importet vjet u rritën 8 për qind.
“Importet e Kosovës nga vendet e BE-së ishin rreth 1 202.1 milionë euro, ose 43.1 për qind e importeve të përgjithshme, me një rritje prej 8.0 për qind. Importet me pjesëmarrje më të lartë ishin nga: Gjermania (12.3 për qind), Italia (7.3 për qind), Greqia (4.2 për qind), Polonia (2.7 për qind) dhe Sllovenia (2.2 për qind)”, tregon ASK-ja.
Kosova eksportoi më së shumti në Shqipëri në vitin 2016 në krahasim me vendet tjera të CEFTA-s.
“Gjatë vitit 2016, eksportet e Kosovës me vendet CEFTA-s arritën në 144.2 milionë euro, ose 46.6 për qind e eksporteve të përgjithshme, ku kishte një rritje prej 16.6 për qind. Partnerët kryesorë për eksport në vendet e CEFTA-s ishin: Shqipëria (13.6 për qind), Serbia (13.3 për qind), Maqedonia (12.5 për qind) dhe Mali i Zi (4.5 për qind)”, thotë publikimi.
Në anën tjetër Kosova më së shumti importoi mallra nga Serbia me pjesëmarrje prej 13.9 për qind. Importet e mallrave nga vendet e CEFTA-s shënuan rënie të lehtë.
“Importet nga vendet e CEFTA-s në vitin 2016 arritën në 753.1 milionë euro, ose 27.0 për qind e importeve të përgjithshme, me një rënie prej (-2.1 për qind). Vendet me pjesëmarrje më të lartë për import ishin: Serbia (13.9 për qind), Maqedonia (5.6 për qind) dhe Shqipëria (4.2 për qind).
Sipas statistikave të ASK-së, eksportet e Kosovës me vendet e tjera të botës arritën në 95.3 milionë euro, ose 30.8 për qind, me partnerë të rëndësishëm Kazakistanin, Zvicrën, Kinën dhe Indinë.
Importet e Kosovës me vendet e tjera arritën në 834.1 milionë euro, ose 29.9 për qind, me partnerë kryesorë Turqinë dhe Kinën. /KALLXO.com/
Promo
Reklamo këtuLufta Prigozhin - Putin
Më shumëNga Rubrika
Nxitoni, vetëm edhe 4 vende të lira në kursin intensiv për kamerë “From Zero to Hero”
Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes
Po, po 31 vetura Dacia Logan shpërblim për konsumatorët nga ETC
Shije italiane në zemër të Prishtinës - Vapiano hapet së shpejti
Gjithë ke lakmu me pas banesë n'deti? "Holiday In 2" është vendi ideal
Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes
Nxitoni, vetëm edhe 4 vende të lira në kursin intensiv për kamerë “From Zero to Hero”
Kush përfiton nga ulja e çmimit të energjisë elektrike?
10 Vjet Provit - Një dekadë e zhvillimit dhe inovacionit në botën e fitnesit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin