Ministri i Financave, Fatmir Besimi, ka takuar sot ambasadoren e re të SHBA-së në vend, Angela Price Aggeler. Në takim, ministri Besimi i uroi ambasadorit mirëseardhje dhe një mandat të suksesshëm me sigurimin e forcimit të mëtejshëm të bashkëpunimit dhe mbështetjen e Shteteve të Bashkuara në zbatimin e reformave.

Reklama

“Qeveria e SHBA-së i ofron mbështetje të konsiderueshme Maqedonisë së Veriut në përpjekjet e saj për rritjen dhe stabilitetin ekonomik, si dhe forcimin e praktikave demokratike të institucioneve”, tha ministri Besimi.

Besimi theksoi se pavarësisht nga të gjitha sfidat, Maqedonia e Veriut po ecën me vendosmëri në rrugën drejt Bashkimit Evropian. Në fazat vijuese të procesit të anëtarësimit, Ministria e Financave është institucioni drejtues për 8 kapituj dhe është përfshirë në 4 nga 6 grupet.

Reklama
Reklama

Në të njëjtën kohë Qeveria është e fokusuar në ofrimin e mbështetjes për kompanitë dhe kategoritë më të cenueshme të qytetarëve për t’u përballur me pasojat e krizës së çmimeve dhe energjisë.

Shtetet e Bashkuara të Amerikës ofrojnë mbështetje të fuqishme për integrimet evropiane të Republikës së Maqedonisë së Veriut, dhe përveç kësaj, si anëtare e NATO-s, vendi ynë bëhet një vend më tërheqës për investime, gjë që krijon perspektiva për rritje më të shpejtë ekonomike. Në këtë drejtim, sundimi i ligjit dhe lufta kundër korrupsionit do të jenë faktorë kyç në përmirësimin e klimës së biznesit dhe në arritjen e synimeve strategjike për rritje më të shpejtë, të qëndrueshme dhe gjithëpërfshirëse.

Reklama