Bayern Munich është treguar i pamëshirshëm në finalen e Superkupës së Gjermanisë ndaj Eintracht Frankfurtit.
Bavarezët fituan me rezultat 0-5, duke mos i dhënë kështu për asnjë moment shpresë skuadrës kundërshtare.
Ishte Robert Lewandowski ylli i kësaj ndeshje, polaku shënoi tre golat e parë në këtë ndeshje.
I pari erdhi në minutën e 21-të, ndërsa dy të tjerët në minutat 26-të dhe 54.
Pas het-trikut nga Lewa, në skenë doli Kingsley Coman.
Së pari francezi shënoi në minutën e 63-të, e pastaj asistoi te goli i Thiago Alcantaras në minutën e 83-të.
Bayerni tani është kampion i Superkupës së Gjermanisë në tre sezonet e fundit, duke ngritur kështu numrin e trofeve në shtatë (dy më shumë se BVB). /Telegrafi/
