Barcelona nuk ka gjasa ta huazojë Cancelon për shkak të kostos

Klubi katalunas, Barcelona thuhet se nuk ka gjasa të bëjë një lëvizje huazimi për mbrojtësin e Manchester Cityt, Joao Cancelo.

Cancelo u largua në janar të vitit të kaluar si huazim te Bayern Munich, pasi humbi vendin e tij në ekip, por ata nuk zgjodhën të ushtrojnë opsionin e tyre të blerjes.

Mbrojtësi i djathtë portugez do të largohet sërish nga City këtë verë në kërkim të një sfide të re, me marrëdhëniet mes Cancelos dhe menaxherit Pep Guardiola në dukje të tensionuara.

Lexo po ashtu Barcelona mbetet e prirur për transferimin e Cancelos

Duke pasur parasysh mungesën e dukshme të interesit për të paguar një tarifë të madhe për Cancelon, ai duket si i përshtatshëm për Barcelonën si një zgjidhje afatshkurtër – i talentuar, me përvojë dhe i mësuar me një futboll të ngjashëm që Xavi Hernandez po përpiqet të zbatojë.

Megjithatë, sipas gazetës katalunase Sport, kostoja e ngritur edhe për një huazim ka të ngjarë të përjashtojë një lëvizje te Blaugranave për portugezin.

Duke përfshirë pagën dhe një tarifë huazimi, vlerësohet se totali mund të arrijë rreth 20 milionë euro për një sezon të vetëm.

Jo vetëm që disa nga opsionet alternative të Blaugranave në pozicionin ka të ngjarë të kushtojnë më pak për një marrëveshje të përhershme, ata po përpiqen të regjistrojnë lojtarët ashtu siç janë.

Një operacion si ai i Cancelos do të godiste fort kufirin e pagave duke pasur parasysh natyrën e shkurtër të marrëveshjes së tij. /Telegrafi/