Barcelona bën ‘çmendurinë’ në sekondat e fundit të takimit, triumfon me shumë mund ndaj Levantes

Barcelona ka fituar me rezultat 3-2 në udhëtim te Levante në kuadër të javës së 31-të në La Liga.

Pjesa e parë përfundoi pa gola, mirëpo rastet për të dyja skuadrat nuk munguan.

Të parët që kaluan në epërsi ishin vendasit, duke shënuar përmes Jose Luis Morales që realizoi nga penalltia.

𝐂🪖-𝐌𝐀𝐍-𝐃𝐀𝐍-𝐓𝐄 @jose1987morales
𝐂⚽️-𝐌𝐀𝐍-𝐃𝐀𝐍-𝐓𝐄 @jose1987morales
𝐂🪖-𝐌𝐀𝐍-𝐃𝐀𝐍-𝐓𝐄 @jose1987morales
𝐂⚽️-𝐌𝐀𝐍-𝐃𝐀𝐍-𝐓𝐄 @jose1987morales
𝐂🪖-𝐌𝐀𝐍-𝐃𝐀𝐍-𝐓𝐄 @jose1987morales #LevanteBarça pic.twitter.com/OIdvFMWy5c

— Levante UD 🐸 (@LevanteUD) April 10, 2022

Levante pati një tjetër penallti vetëm katër minuta më vonë, mirëpo Marti nuk ia doli ta mposhte Marc Andre ter Stegein.

Kështu, Barcelona filloi ta merrte lojën nën kontroll dhe ia doli të realizonte dy gola.

Ishte minuta e 59-të e takimit, kur Ousmane Dembele asistoi te Pierre Emerick-Aubameyang, për t’i barazuar shifrat në 1-1.

💥💥💥 GOAL BARÇA! 💥💥💥@AUBA TIES THE GAME! 1-1!#LevanteBarça pic.twitter.com/ws3mSlFjf4

— FC Barcelona (@FCBarcelona) April 10, 2022

Në minutën e 63-të, Pedri e kaloi Barcelonën në epërsi, falë një asistimi perfekt nga Gavi.

Por, vendasit nuk u dorëzuan dhe ia dolën të barazonin shifrat në 2-2 me golin e Gonzalo Melero (83′).

Të njëjtën gjë e bënë edhe katalunasit, pasi në sekondat e fundit të takimit e shënuan golin e fitores, për rezultatin final 3-2 me anë të Luuk de Jong (90+2′), me një asistim të Jordi Albas.

Pas javës së 31-të, Barcelona gjendet në vendin e tretë me 60 pikë. /Telegrafi/