Babë e bijë, Arianiti dhe Mrika Nikqi bëhen shqiptarët e parë që pushtojnë majën më të lartë të Antarktikut

Gjithnjë e më tepër shqiptarët po merren me sportin e alpinizmit.

Një rast i tillë është edhe me Arianit Nikqin dhe të bijën, 17-vjeçaren Mrika Nikqi.

Kjo e fundit është shqiptarja e parë në botë së bashku me të atin që pushtoi majën më të lartë të kontinentit të shtatë, Antarktikut.

Në fakt, ekspedita shqiptare është ngjitur në majën Moun Vinson 4892 lmd, në motin e acartë e në të ftohtit ekstrem të kontinentit të akullt.

Natyrisht, nuk mungoi edhe ngritja e flamurit kombëtar shqiptar si dhe shtetëror të Kosovës.

“Ju jemi falënderues për përkrahjen dhe mbështetjen e vazhdueshme”, kanë falënderuar ekspedita të gjithë mbështetësit e tyre.

Lexo po ashtu Mrika Nikqi, pejanja 16 vjeçare ngjitet në majën e malit Kilimanxharo

Theksojmë Mrika së bashku me babanë e saj më 29 janar të këtij viti kanë arritur të ngjitën në majën më të lartë në Afrikë të quajtur Uhuru Peak e njohur edhe si maja e Kilimanxharos.

Ndryshe, dyshja do të vazhdojë në pushtimin e majave të tjera ndërkombëtare, për të cilat do t’ju mbajmë të informuar. /Telegrafi/