Dy javë më parë, qindra luftëtarë ukrainas përfunduan përpjekjet e tyre për mbrojtjen e fabrikës së çelikut Azovstal.
Dhe deri tani, disa nga të dashurit e tyre thonë se ende kanë dëgjuar pak ose aspak informacion mbi vendndodhjen e tyre.
“Unë nuk kam qenë në kontakt me burrin tim ose nuk kam marrë ndonjë informacion për të kohët e fundit”, ka thënë Anna Ivleva, gruaja e Anton, një marinar i cili u plagos rëndë gjatë rrethimit në fabrikën në Mariupol.
“Hera e fundit që folëm ishte më 13 prill. Dhe pastaj vëllezërit e tij më dërgonin mesazhe se ai ishte ende gjallë”, ka bërë të ditur Ivleva, përcjell Telegrafi.
Megjithëse zyrtarët e qeverisë ukrainase kanë qenë në kontakt, ajo nuk ka “asnjë informacion” se ku po mbahen luftëtarët e Azovstal dhe në çfarë kushtesh, tha ajo për CNN.
Megjithatë, ajo shpreson se burri i saj është ende gjallë, edhe nëse është në robëri.
“Ne të gjithë – familjet, gratë dhe nënat e marinsave, po qëndrojmë afër njëri-tjetrit, ne jemi gjithmonë në kontakt me njëri-tjetrin 24/7”, ka treguar më tej ajo. “Ne shkëmbejmë gjithmonë çdo lajm të disponueshëm, jemi si një familje”.
Pas një rrethimi të gjatë, qyteti port ukrainas i Mariupol ra nën kontrollin e plotë rus në fillim të këtij muaji me dorëzimin e Azovstal, vendi i fundit i qytetit ku qëndruan forcat ukrainase.
Sidoqoftë, është e paqartë se sa trupa ukrainase janë tani në paraburgimin rus, por ushtria ruse ka pohuar se mbi 2,000 anëtarë të shërbimit ukrainas janë dorëzuar atje.
Ndryshe, propaganda shtetërore ruse i ka demonizuar mbrojtësit e Azovstal si “nazistë”, duke ngritur shqetësime serioze se si mund të trajtohen në robëri.
Ndërkohë një grua tjetër e quajtur Yana – i dashuri i së cilës është një marinar që ishte në Azovstal – foli për CNN.
“Unë nuk kam dëgjuar nga ai apo asgjë për të”, citohet të ketë thënë ajo. “Hera e fundit që kemi qenë në kontakt ka qenë më 11 maj”.
Qeveria ukrainase nuk ka dhënë asnjë informacion se ku mund të jetë i dashuri i saj, tha ajo.
“Nëna e të dashurit tim u kontaktua nga [Komiteti Ndërkombëtar i Kryqit të Kuq – ICRC], nuk e mbaj mend kur saktësisht. Ata i thanë vetëm se ishte gjallë, kaq”.
ICRC është përfshirë në regjistrimin e luftëtarëve që largohen nga uzina Azovstal që nga 17 maji – pjesërisht për të ndihmuar të burgosurit e luftës të mbajnë kontakte me familjet e tyre.
Organizata ka punuar në Ukrainë që nga viti 2014, kur filloi lufta në rajonin e Donbasit të Ukrainës.
Veç këtyre, edhe një grua tjetër e një mbrojtësi të Azovstal, Tetiana, tha se burri i saj arriti ta telefononte nga një numër i panjohur pas dorëzimit dhe tha se disa nga shokët e tij po mbaheshin në një qytet në rajonin e Donjeckut të kontrolluar nga separatistët.
CNN pranoi të mos raportonte mbiemrin e saj për të njëjtat arsye.
“Zëri i tij ishte i qetë”, ka treguar ajo. “Ai tha se kushtet që po mbaheshin ishin në rregull. Ai tha se mund të jetë e mundur që në të ardhmen të lejohen të marrin disa pako”.
Tetiana tha se foli me burrin e saj për rreth dhjetë minuta dhe se burri i saj tha se do të përpiqej të telefononte përsëri.
Por që atëherë, edhe ajo nuk ka dëgjuar asgjë.
“Kjo është ajo që ndodhi, nuk ka më telefonata apo lajme”. /Telegrafi/
Promo
Reklamo këtuLufta Prigozhin - Putin
Më shumë“Hakmarrja” e Izraelit ndaj Iranit – të gjitha zhvillimet, minutë pas minute
Ministri ekstremist izraelit e përshkruan me një fjalë sulmin e Izraelit ndaj Iranit
Izraeli sulmon Iranin me raketa
Rreziku për luftë gjithëpërfshirëse në Lindjen e Mesme më i madh se kurrë, paralajmëron mediumi britanik
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Pamjet e para nga sulmi izraelit drejt Iranit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi