Asistuesit më të mirë në Evropë, Rashica në mesin e tyre

Kampionatet evropiane janë në fazën e fundit para se të përfundojnë.

Kësisoj në fund të tyre do të vendosen edhe golashënuesit dhe asistuesit më të mirë.

Në mesin e asistuesve më të mirë në ligat evropiane, është edhe talenti i madh kosovar, Milot Rashica, transmeton Telegrafi.

Djaloshi nga Vushtrria ka shkëlqyer këtë edicion me skuadrën e tij Vitesse në elitën e futbollit holandez.

Në 31 ndeshje të zhvilluara, Rashica ka asistuar në 11 gola të shënuar nga bashkëlojtarët e tij.

Përpos 11 asistimeve, reprezentuesi i Kosovës, ka shënuar edhe dy gola në Eredivisie.

Asistimet e Rashicës janë të barabarta me yllin e Barcelonës, Lionel Messin, ndërsa me numër të njëjtë të asisteve janë edhe Toni Kroos, Raheem Sterling e Wesley Sneijder. /Telegrafi/

Asistuesit më të mirë në Evropë:

1. Emil Forsberg 17
2. Kevin De Bruyne 15
3. Luis Suarez 14
4. Neymar 13
5. Nicolai Jorgensen 13
6. Sam Larson 13
7. Thomas Muller 12
8. Christian Eriksen 12
9. Osmane Dembele 12
10. Jose Callejon 12
11. Gylfi Sigurdson 12
12. Gelson Martins 12
13. Hakim Ziyech 12
14. Lionel Messi 11
15. Toni Kroos 11
16. MILOT RASHICA 11 asistime
17. Rahem Sterling 11
18. Felipe Anderson 11
19. Wilfried Zaha 11
20. Wesley Sneijder 11