ASH: Vetingu i vërtetë për BDI dhe sistemin e drejtësisë do të ndodh pas 12 prillit

E “përgëzojmë” BDI që paska vendosur sipas Bujar Osmanit të “reformohet”, por kjo fatkeqësisht është një gënjeshtër, thonë nga Aleanca për Shqiptarët

“Shqiptarët do i besonin kësaj gënjeshtre sikur Bujar Osmani i dyshuar nga Prokuroria Speciale Publike, për korrupsion te lartë, i dyshuar për keqpërdorim të pozitës zyrtare si Ministër i shëndetësisë, të kishte dalë të paktën njëherë para drejtësisë. Shqiptarët do i besonin “reformimit” te BDI-së nëqoftëse Bujar Osmani do të kishte dhënë dorëheqje pas refuzimit të komisionit të BE që Maqedonia e Veriut ti hap negociatat me BE. Zëvendës Kryeministri për Eurointegrime, është ndër përgjegjësit kryesor që nuk u hapën negociatat me BE, i njëjti fajësoi Francën dhe shtetet e BE, duke qenë i vetëdijshëm se vet ai është zyrtar i lartë qeveritar i dyshuar për korrupsion të lartë.

Shqiptarët do i besonin sot BDI për reformimin e saj, nëqoftëse BDI do të ishte distancuar nga deputeti Xhevat Ademi i cili sipas dëshmisë së prindërit të të plagosurit u akuzua si shkaktar i plagosjes në dasmë BDI dhe lideri i saj u vunë në mbrojtje të deputetit kauboj”, thuhet në deklaratën e ASH-së.

Lexo po ashtu Osmani paralajmëron veting brenda BDI-së

Nga atje shtojnë broçkullat e Bujar Osmanit për Veting nuk pinë ujë më, sepse vetingun më të mirë do tua tregojnë shqiptarët më 12 prill, ku ndëshkimin e par do ta marrin nga votuesit shqiptar, që BDI i ka shfrytëzuar për më shumë se 15 vite, duke shijuar pushtetin, duke u korruptuar, ndërsa shqiptarët duke i varfëruar dhe duke i dërguar në mërgim./Telegrafi/