Sulmuesi anësor Marco Asensio ka refuzuar të përjashtojë një largim të mundshëm nga Real Madridi, megjithëse ai këmbëngul se është i lumtur në Santiago Bernabeu.

22-vjeçari është zhvilluar në një nga lojtarët më të rëndësishëm të kampionëve evropianë në dy sezonet e fundit, duke fituar tetë trofe, përfshirë titullin e Ligës dhe dy Liga të Kampionëve.

Asensio ishte i lidhur me një largim të mundshëm te Liverpooli në sezonin e fundit, pavarësisht se kishte pesë vjet në kontratën që ai nënshkroi vetëm në shtatorin e kaluar.

Ramos e zbulon pasardhësin e numrit shtatë te Reali: Do ta marrë Asensio Ramos e zbulon pasardhësin e numrit shtatë te Reali: Do ta marrë Asensio

Reprezentuesi spanjoll thotë se qëllimi i tij kryesor është të qëndrojë në Madrid dhe të fitojë trofe edhe më tutje, por pranon se ai nuk mund të garantojë se çfarë do të ndodhë më vonë në karrierën e tij.

Marco Asensio (Getty Images)

“Opsioni im i parë është gjithmonë që të triumfojë me Real Madridin. Pas kësaj, kurrë nuk e dini se çfarë mund të ndodhë”, ka thënë fillimisht Asensio për GQ.

“Real Madridi është klubi më i suksesshëm në botë dhe që nga fillimi e dini se duhet të jeni të përgatitur dhe të jepni gjithçka për fanellën”.

Asensio: Kemi skuadër të mirë edhe pa Ronaldon, harrojeni Superkupën Asensio: Kemi skuadër të mirë edhe pa Ronaldon, harrojeni Superkupën

“Unë përpiqem të mos përqendrohem shumë në pritjet që kanë për mua”.

“Është normale që kam gjeneruar kaq shumë fansa, sepse kanë qenë dy vite të vërtetë të mira në Real Madrid. Shpresoj të vazhdojë të bëjë mirë”, përfundoi spanjolli. /Telegrafi/