LAJMI I FUNDIT:

“Artisti i arratisjes” – mafiozi Rocco Morabito, një nga njerëzit më të kërkuar në Itali ka mbërritur në Romë

“Artisti i arratisjes” – mafiozi Rocco Morabito, një nga njerëzit më të kërkuar në Itali ka mbërritur në Romë

Një nga njerëzit më të kërkuar në Itali, mafiozi Rocco Morabito, ka mbërritur në Romë pasi u ekstradua nga Brazili, ku kishte qenë i fshehur.

Sipas mediave të huaja, përcjell Telegrafi, i njohur si “mbreti i kokainës së Milanos”, Morabito u arrestua në maj të vitit të kaluar në një operacion të përbashkët të policisë braziliane dhe italiane.

Kështu, 55-vjeçari do të vuajë dënimin me 30 vite burg për trafik droge.

Bosi i mafias kaloi dekada në arrati duke përdorur një identitet të rremë në Amerikën e Jugut.

Policia më në fund e gjeti vitin e kaluar në João Pessoa, një qytet port në Brazilin verilindor, ku ai u arrestua së bashku me një tjetër anëtar të grupit mafioz Ndrangheta, Vincenzo Pasquino.

Pasquino që atëherë është dënuar me 17 vjet burg për trafik droge.

“Artisti i arratisjes”

Siç vë në pah BBC, mbërritja e Rocco Morabito në Romë i jep fund një kërkimi prej dekadash.

I lindur në qytetin kalabrez të Afriko dhe me lidhje familjare me bosin mafioz Giuseppe Morabito, Rocco Morabito u bë një figurë kyçe në Ndrangheta, rrjeti i përhapur kriminal që kontrollon pjesën më të madhe të trafikut të kokainës në Itali dhe më gjerë.

Si i ri, Morabito shpejt bëri emër si një trafikant droge në Milano, duke krijuar rrugë kyçe të kontrabandës së kokainës nga Amerika e Jugut në qytetin italian.

Me stilin e veçantë të veshjes, ai shumë shpejt ra në vëmendjen e policisë italiane, e cila e vuri nën vëzhgim.

Ai u regjistrua duke u përpjekur të ndërmjetësonte marrëveshje për të importuar më shumë se një ton kokainë nga Amerika e Jugut, por u zhduk menjëherë më pas.

Policia mendon se ai iku në Brazil, ku jetonte me emrin e supozuar Francisco Capeletto.

Nga atje, ai u zhvendos në Uruguain fqinj, ku jetoi në vendpushimin e Punta del Este për të paktën 13 vjet.

Ndërsa ai kishte marrë me qira një shtëpi luksoze, duke e mbushur me vepra arti, fqinjët thanë se ai ngiste një makinë modeste dhe vetëm kur ai organizoi një festë luksoze për ditëlindjen e vajzës së tij, ata morën vesh për pasuritë e tij.

Por pikërisht kur Morabito e regjistroi vajzën e tij në shkollë me emrin e saj të vërtetë, policia e vuri nën vëzhgim.

Në shtator 2017, kur Morabito u zhvendos në një hotel në kryeqytet, Montevideo, pasi kishte pasur një sherr me gruan e tij, policia “u sul drejt tij”.

Ndër pasuritë e tij, ata gjetën një armë, 13 telefona celularë dhe 150 fotografi të Morabito-s me madhësi të pasaportës.

Megjithatë, ditët e tij në arrati nuk kishin mbaruar ende.

Në vitin 2019, pasi kishte kaluar dy vjet në burg në pritje të ekstradimit në Itali, ai u arratis së bashku me tre të burgosur të tjerë nga një vrimë në çati.

Si pjesë e një operacioni policor shumëkombësh të udhëhequr nga Interpoli që synonte të luftonte ‘Ndrangheta’, ai më në fund u gjurmua në një hotel në qytetin e João Pessoa në vitin 2021.

Gjykata e Lartë Federale e Brazilit autorizoi ekstradimin e tij në Itali javën e kaluar. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Duke ecur në plazhin e Essexit, britanikja gjeti një dhëmb vigani 1.8 milion vjeç

Duke ecur në plazhin e Essexit, britanikja gjeti një dhëmb vigani 1.8 milion vjeç

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori