Skuadra e njohur angleze, Arsenal ka mbetur jashtë Ligës së Kampionëve për edicionin e ri.
Londinezët në ndeshjen e fundit për këtë vit në Ligën Premier u përballen me Evertonin duke shënuar fitore 3-1.
Vetëm pas tetë minutave lojë, Arsenal kaloi në epërsi nëpërmjet mbrojtësit spanjoll, Hector Bellerin.
Në minutën e 14-të, mbrojtësi francez Laurent Koscielny u ndëshkua me karton të kuq duke lënë skuadrën me 10 futbollistë në fushë.
Por kjo nuk i pengoi ‘Topçinjve’ që të shënojnë edhe golin e dytë nëpërmjet Alexis Sanchez.
Pjesa e parë përfundoi me epërsinë e dyfishtë të Arsenalit 2-0.
Në pjesën e dytë, ishte sulmuesi belg, Romelu Lukaku që shënoi nga penalltia për Evertonin për ta ngushtuar epërsinë në 2-1.
Ndërkohë për rezultatin përfundimtar shënoi mesfushori uellsian Aaron Ramsey në minutën e fundit të ndeshjes.
Arsenali mbetet jashtë Ligës së Kampionëve, pas fitores së Liverpoolit.
‘Topçinjtë’ përfunduan stinorin në pozitën e pestë me 75 pikë të tubuara, një më pak se Liverpooli në të katërtën.
Ndërkohë Everton do të vitin tjetër në Ligën e Evropës pasi përfundoi në pozitën e shtatë. /Telegrafi/
