Policia e Kosovës ka njoftuar se ka arrestuar një person në Prizren, pasi që i njëjti kishte mashtruar viktimën mashkull se është sigurim në Kuvendin e Kosovës.

Policia bën të ditur se i dyshuari kishte kërkuar nga viktima para në vlerë prej 2 mijë e 650 euro, transmeton Telegrafi.

“Është arrestuar i dyshuari mashkull kosovar, pasi që i njëjti ishte prezantuar se punon në sigurim të Kuvendit të Kosovës dhe e kishte mashtruar viktimën mashkull kosovar, duke i kërkuar 2650 euro, i kishte premtuar se do t’i ndihmojë një personi për ta nxjerr nga burgu, pasi që sipas tij i njeh prokurorët dhe gjyqtarët”, thuhet në njoftim.

Policia bën të ditur se me urdhër të prokurorit, i dyshuari dërgohet në mbajtje. /Telegrafi/