Arrestohet i riu që donte të qëllonte mbi 100 njerëz, planet mizore ia zbuloi ish e dashura

Tristan Scott Wix është i riu që u arrestua nga policia në Shtetet e Bashkuara, nën dyshimin se donte të qëllonte mbi 100 njerëz në turmë, vetëm që të shënonte rekord të vrasjeve të deritanishme.

Mirëpo, planet mizore të 25-vjeçarit, janë bërë të ditura nga ish e dashura tij, e cila mbetet e paemëruar, që i njoftoi forcat e rendit, për mesazhin që kishte pranuar nga ai, transmeton Telegrafi.

“Dua të thyej rekord, për më së shumti vrasje të konfirmuara njerëzish në masë. Mjaftojnë të jenë, së paku mbi 100. Mund të vdes edhe unë, por do kënaqem duke e bërë” ka qenë mesazhi që i dërgoi Wix.

Atë e ndaluan menjëherë në parkingun e një qendre tregtare, për ta dërguar që të merret në pyetje, ka pranuar se është i fascinuar nga vrasjet në masë dhe do dëshironte ta realizonte një të ngjashme. Vetëm se nuk kishte armë, teksa nuk kishte ndonjë plan për sulm konkret.

Kërkimet që janë bërë në banesën e tij, përfunduan me një armë të gjatë zjarri si dhe 400 plumba, mirëpo nuk u gjetën evidenca për sulm në masë.

Lidhur me planet që ia zbuloi ish e dashura dhe dëshirës së tij për një vrasje masive të njerëzve të pafajshëm, ai është duke u mbajtur në arrest dhe së shpejti do të del para drejtësisë. /Telegrafi/