“Arda Guler është i pakrahasueshëm, do të shënojë një epokë në Real Madrid”, zbuluesi i turkut tregon të gjitha

Santiago Bernabeu mezi pret debutimin e Arda Guler. Driblimet dhe kontrollet e tij të pamundura në stërvitje kanë magjepsur tifozët e Real Madridit. Në pak sekonda ato bëhen virale.

Megjithatë, kanë kaluar 124 ditë nga shpallja e nënshkrimit të tij dhe dy pengesa në formën e dëmtimeve e kanë vonuar debutimin e tij: fillimisht ai iu nënshtrua një operimi në meniskun e brendshëm të gjurit të djathtë dhe më vonë pësoi një çarje muskulore në këmben e majtë.

Gjithçka duket gati që ai, pas 15 ndeshjeve që mungoi, të shfaqet me fanellën e Real Madridit në ndeshjen e sotme (e mërkurë) në Ligën e Kampionëve kundër Bragës në shtëpi.

Për talentin e tij dhe gjithçka që posedon ka folur trajneri i cili e zbuloi, Vitor Pereira.

“Tek Fenerbahçe, kur ishte 16 vjeç, ai kërkonte vazhdimisht topin vazhdimisht për të bërë gjëra të ndryshme dhe, nëse dështonte, ai nuk dorëzohej. Përkundrazi, ai përpiqej përsëri”, ka thënë fillimisht Pereira.

“Në fakt, mbaj mend që kur nuk e pasonin, ai zemërohej. Ai dëshiron të marrë pjesë gjatë gjithë kohës në lojë. Personaliteti i tij e bën atë dikë vërtet të veçantë”.

“Ai nuk është i krahasueshëm me askënd”, këmbëngul Pereira, i cili, megjithatë, “blen me ngurrim” një paralele me një ish-lojtar të Real Madridit, James Rodriguez, të cilin ai e kishte gjithashtu nën komandën e tij në Porto.

“Ata duken paksa të ngjashëm. James i ardhur nga Argjentina ishte një lojtar shumë teknik, me shumë cilësi në pasimin e fundit dhe për të luajtur mes linjave, por, në një nivel mbrojtës, ai nuk ishte aq i përkushtuar dhe kjo iu desh pak kohë për t’u përshtatur me këtë”.

“Nga ana tjetër, Arda Guler është një lojtar shumë inteligjent nga ana taktike dhe është shumë i qartë se cilat janë funksionet e tij, si në sulm ashtu edhe në mbrojtje. Ai është një djalë shumë modest dhe ka aftësi të shkëlqyera. Ai ka edhe dëshirë për të mësuar”.

Guler ka një repertor të tillë që zbuluesi i tij, Pereira, nuk heziton kur bëhet fjalë për të vlerësuar potencialin e tij.

“Mund të marrë pak a shumë, nuk e di sa kohë sepse nuk jam parashikues i të ardhmes, por ai do të shënojë një epokë në Real Madrid. Cilësia dhe personaliteti që ai ka, do ta bëjnë atë të bëhet një lojtar i rëndësishëm në mbarë botën”, përfundoi ish-trajneri i Guler. /Telegrafi/