Animacioni 3D i Titanikut zbulon sekretet e tij: Mungesa e disa varkave të shpëtimit, ishte që klasit të parë t’iu jepej një pamje më e mirë

Para 112 vitesh, më 15.04.1912, anija luksoze transoqeanike “Titanic” mori jetën e mbi 1,500 personave dhe mbetjet e saj ende qëndrojnë në fund të detit.

“Duke përdorur teknologji të re, ‘Titanic’ tani pranon vizitorë të rinj, por në mënyrë dixhitale”, shkruan Daily Mail. Animatori amerikan Jared Owen një vit më parë publikoi në platformën YouTube një paraqitje digjitale të anijes nga çdo kënd, pikërisht ashtu si dukej para se të nisej nga Southamptoni 112 vite më parë. Ky video zbuloi shumë detaje të panjohura më parë, shkruan Klix.

“Është projektuar e gjitha me dorë, për mua kjo është inxhinieri dhe mjeshtëri e mahnitshme”, tha Owen. Gjatë krijimit të paraqitjes, Owen përdori një sërë burimesh, duke përfshirë National Geographic, “Titanic” botimi i serisë së librave Haynes Manual, dhe më pas u mbështet te një program për krijimin e përmbajtjes 3D për të frymëzuar të gjitha informacionet e mbledhura.

Lexo po ashtu Dërrasa e famshme e Titanikut, shitet në ankand për 665 mijë euro

Videoja e tij tregon të 10 kuvertat e Titanikut, duke përfshirë kuvertën e varkës në majë. Një pjesë e arsyes së mungesës së varkave të shpëtimit ishte se projektuesit nuk donin të mbipopullonin kuvertën e anijes dhe kështu të bllokonin pamjen e Atlantikut nga pasagjerët e klasit të parë.

Një tjetër fakt interesant është se në të vërtetë kishte dy shkallë madhështore në Titanik, të dyja të kufizuara vetëm për pasagjerët e klasit të parë. Shumë më madhështore ishte shkalla e madhe e përparme, e cila ishte e stolisur me një panel muri të gdhendur lisi me një orë në mes, gjithashtu aty ku Jack dhe Rose takohen në filmin hit të James Cameron të vitit 1997.

Kjo anije ishte e stolisur me luks, si palestër, fusha sportive, banjë turke, palestër dhe pishinën e parë ndonjëherë në bord. Titaniku ishte një “Royal Mail Steamer”, që do të thotë se ishte autorizuar ligjërisht nga monarkia britanike për të transportuar letra dhe pako. Sipas të dhënave nga Muzeu Kombëtar Postar Smithsonian, anija përmbante midis gjashtë dhe nëntë milionë artikuj të destinuar për në New York. E gjithë posta e Titanikut humbi kur anija u fundos rreth orës 2:20 të mëngjesit, dy orë e 40 minuta pasi goditi ajsbergun.

Lexo po ashtu Njëzet kuriozitetet që nuk i dini për filmin “Titaniku” (Foto)

Videoja mund të jetë e dobishme për miliarderin australian Clive Palmer, i cili ka premtuar të rikrijojë anijen e famshme me një kosto të vlerësuar prej një miliard funtesh.

“Titanic II”, që do të jetë gati për lundrim deri në vitin 2027, do të imitojë specifikimet e anijes origjinale, duke përfshirë sistemet moderne të lundrimit dhe sigurisë. Mbetjet e Titanikut tani shtrihen në shtratin e detit rreth 350 milje detare larg brigjeve të Newfoundland, Kanada. Megjithatë, kjo rrënoja e ndjeshme po përkeqësohet aq shpejt nën ujë sa mund të zhduket plotësisht brenda 40 viteve të ardhshme. /Telegrafi/