Një burrë ka shpenzuar 170 mijë euro dhe ka udhëtuar 120,700 kilometra në 100 vende për ta gjetur tualetin publik më të keq në botë, dhe tani ai beson se më në fund e ka gjetur atë – në Taxhikistan.

Shkrimtari i udhëtimeve dhe blogeri Graham Askey – i njohur nga shoqëria si “Mbreti i Porcelanit” ka skanuar globin për tualetin më të neveritshëm.

Dhe tani ai beson se ka gjetur “vrimën e përsosur të ferrit” – një tendë të rrënjosur 1.6 metra e gjatë e cila shërben si tualet në pjesën veriore të Taxhikistanit, shkruan Mirror, transmeton Telegrafi.

Ai tha se është aq e keqe sa që ata që duhet ta përdorin atë duhet të shkelin mbi jashtëqitje të tharë nga dielli, por deri më tani, “gjëja më e neveritshme nga të gjitha”, thotë Askey, është se muret e saj prej pëlhure përdoren si letër e përbashkët higjienike.

Reklama
Reklama

Tualeti publik në veri të Taxhikistanit

Askey gjithashtu shtoi se ekziston rreziku i shqetësimit të gjarpërinjve vdekjeprurës dhe minjve të pa trembur të cilët kanë ngritur foletë e tyre në shkëmbinjtë e afërt.

Sipas Askey, tualeti në rajonin Ayni të Taxhikistanit, në skajin perëndimor të Pamirs-it dhe jo shumë larg kufirit me Afganistanin, është aq i ndyrë sa që banorët e zonës refuzojnë ta përdorin vetëm deri në momentin kur janë “absolutisht pa zgjidhje”.

Askey, një “zbulues nevojtoresh”, ka vizituar qindra tualete publike në 6 nga 7 kontinentet e botës përpara se ta “kurorëzonte” si “tualetin publik më të keqin nga të gjithë”.

Reklama

Që atëherë ai ka vizituar 91 vende, ka udhëtuar afro 120,700 kilometra, dhe ka shpenzuar rreth 170 mijë euro duke vizituar tualete private dhe publike në të gjithë botën.

Reklama

Ai ka fotografuar vetëm pjesën e jashtme të tualeteve më të këqija që ka vizituar për t’i kursyer njerëzit nga përmbajtjet që “nxisin të vjella”, dhe ka kaluar “minimumin absolut të kohës” brenda tyre për të shmangur të përzierat. /Telegrafi/