Shqetësimi i vazhdueshëm për shëndetin dhe kërkimi i ethshëm i sëmundjeve, megjithatë ka edhe një anë të mirë
Pra, hulumtimi i shkencëtarëve nga Edinburgu tregoi se hipokondriakët jetojnë më gjatë.
Me siguri ju njihni ndonjë hipokondriak, dikë që vazhdimisht imagjinon se po vuan nga diçka, ndaj kërkon furishëm në internet dhe viziton mjekët me shpresën për të zbuluar se çfarë sëmundje misterioze ka.
Ndërsa për ne të tjerët mund të duket e bezdisshme një sjellje e tillë, studimi i fundit longitudinal i botuar në revistën Psychological Science tregon se hipokondriakët në të vërtetë jetojnë më gjatë.
Njerëzit që e vlerësojnë shëndetin e tyre si të dobët, por nuk kanë prova të prekshme fizike për të – pra hipokondriakët – kanë me të vërtetë një rrezik më të ulët të vdekjes së hershme, transmeton Telegrafi.
Çështja është se për shkak të neurotizmit, ata janë më të prirur për të kërkuar këshilla mjekësore, ndaj janë më shpesh nën mbikëqyrjen mjekësore.
“Ky zbulim është i rëndësishëm sepse tregon se sjellja neurotike mund të ketë edhe një anë të mirë, domethënë se persona të tillë janë më të vëmendshëm dhe më të kujdesshëm kur bëhet fjalë për shëndetin”, thotë udhëheqësja e studimit, profesoresha Catherine Gale.
Karakteristikat themelore të neurotizmit janë paqëndrueshmëria emocionale, vetëbesimi i ulët, zemërimi, trishtimi, ankthi dhe frustrimi. Studimet e mëparshme kanë lidhur neuroticizmin me depresionin, fobitë, sulmet e panikut dhe përdorimin e tepruar të alkoolit dhe duhanit. Megjithatë, një studim i publikuar në vitin 2012 tregoi se njerëzit neurotikë kanë ende një nivel më të ulët të biomarkerëve për sëmundjet kronike dhe inflamacionin pikërisht sepse kujdesen shumë më tepër për shëndetin e tyre.
Studiuesit nga Universiteti i Edinburgut analizuan të dhënat e 500,000 njerëzve midis moshës 37 dhe 73 vjeç dhe u përpoqën të vendosnin një lidhje midis neurotizmit dhe rrezikut të vdekjes bazuar në mënyrën se si njerëzit e vlerësonin shëndetin e tyre. Të anketuarve iu janë ofruar disa përgjigje për pyetjen rreth shëndetit: Ndihem mirë, mirë, mesatarisht apo keq. Përgjigjet e tyre u krahasuan me dokumentacionin e tyre mjekësor dhe sjelljen e tyre shëndetësore (a pinë duhan dhe sa aktivë janë fizikisht). Analiza tregoi se njerëzit që ishin më neurotikë kishin një rrezik më të ulët të sëmundjeve të ndryshme, përfshirë kancerin.
Disa studime të mëparshme kanë treguar gjithashtu se neurotizmi lidhet me kreativitetin dhe imagjinatën, por kjo ende nuk është e lidhur me këtë studim. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën