Amanda Holden u shfaq elegante me një fustan veror gjatë paraqitjes së saj në Londër

Amanda Holden dhe Ashley Roberts tërheqën vëmendjen teksa u panë duke shkuar drejt studios së Heart FM në Leicester Square të Londrës, të mërkurën.

Gjyqtarja e Britain’s Got Talent, 54-vjeçare, dukej mahnitëse e veshur me një fustan veror me lule në ngjyrë të verdhë, i cili kishte një dekolte të hapur në formë të rrumbullakët, rrip të njëjtë me fustanin dhe fund me pala.

Ajo shtoi disa centimetra në gjatësi falë një pale takash të bardha me majë nga Christian Louboutin, dhe mbante me vete një çantë elegante në ngjyrë të verdhë nga Aspinal of London.

Amanda e kompletoi veshjen me një palë syze trendi në ngjyrë vjollcë të çelët, një gjerdan të hollë të artë dhe disa byzylykë të artë në dorë.

Ndërkohë, Ashley, 43 vjeçe, u shfaq me një veshje elegante të zezë që nxirrte në pah këmbët e saj të gjata.

Ish-këngëtarja e Pussycat Dolls kishte veshur një bluzë të zezë pa mëngë me jakë të lartë dhe një fund të shkurtër lëkure, që kishte një çarje përpara.

Ashtu si Amanda, edhe Ashley kishte veshur taka nga Christian Louboutin, por ajo kishte zgjedhur një palë të zeza për të përputhur me veshjen e saj të gjithën në të zezë. /Telegrafi/