Massimiliano Allegri beson se Juventusi ishte kapluar nga gjumi në trillerin prej 3-2 ndaj Chievos në ndeshjen hapëse të kampionatit italian, Serie A.

Bianconerët kishin epërsinë e hershme në atë që dukej një fitore rutinore për top favoritin e këtij edicioni.

Por, kështu nuk menduan vendasit të cilët krijuan epërsinë deri në një fazë të konsiderueshme të pjesës së dytë, para se Juventusi të rikthente gjithçka në fund.

“Ne kemi zvogëluar tempon pak sa, edhe në presion kemi pasur probleme sepse kemi menduar se e kemi fituar ndeshjen”.

“Ne jemi mbrojtur keq dhe kundërshtari na bënte presion. Natyrisht se do të pranonim gol. Ishte një fitore e madhe për të cilën kemi pasur nevojë. Ishte një alarm për të kuptuar se secila ndeshje në Serie A do të jetë e vështirë”.

Cristiano Ronaldo (Foto: Getty Images)

“Me rëndësi në këto ndeshjet e para është që t’i çojmë pikët në shtëpi”, u shpreh Allegri.

Sa i përket Ronaldos ai tha se performanca e portugezit ishte e kënaqshme.

“Ronaldo është mbajtur mirë fizikisht, ka stërvitur me ne vetëm për një javë. Është keq që nuk shënoi një gol”.

“Ronaldo pati disa goditje dhe Sorrentino bëri disa intervenime, e po ashtu bëri lëvizje të mira që nuk u shpërblyen nga mesfushorët. Më shumë u impresionova që Ronaldo ju përshtat ekipit, e ai ishte shumë i lumtur në zhveshtore. Problemi më i madh ishte përqëdrimi jonë”, deklaroi Allegri. /Telegrafi/