Aktori i mirënjohur shqiptar, Reshat Arbana, ka kaluar së fundmi një operacion të rëndësishëm kirurgjikal.
Ministrja e Shëndetësisë, Albana Koçiu, njoftoi se ndërhyrja u krye përmes një terapie moderne për të trajtuar insuficiencën kardiake.
Gjatë operacionit, ekipi mjekësor arriti të vendosë tri sonda elektrike në zemrën e aktorit, të cilat sigurojnë një sinkronizim të tkurrjeve të muskujve të zemrës.
Ky proces kontribuon në përmirësimin e funksionit të zemrës dhe ofron një përmirësim në cilësinë e jetës së pacientit.
Ekipi që mori përsipër këtë ndërhyrje të ndërlikuar përbëhej nga specialistë të kardiologjisë dhe infermierë të Spitalit Universitar ‘Nënë Tereza’, me Dr. Ormir Shurdha dhe Dr. Mirald Gina në krye të ekipit mjekësor, ndërsa infermiere Antuela Shkëmbi dhe Xhoana Xhanaku kujdesën për aspektet infermierore të operacionit.
Kjo lloj ndërhyrjeje përmes terapisë moderne të insuficiencës kardiake është një zgjidhje inovative që po ndryshon perspektivat e trajtimit të sëmundjeve të zemrës.
Shoqëria shqiptare e ka pritur me lehtësim lajmin e suksesit të operacionit të Reshat Arbanës, duke shprehur mbështetjen dhe dëshirat për një rikuperim të shpejtë. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251