LAJMI I FUNDIT:

AKK ka iniciuar procedurat e verifikimit të pasurisë së ambasadorit Berishaj – procesi mund të zgjasë deri në gjashtë muaj

AKK ka iniciuar procedurat e verifikimit të pasurisë së ambasadorit Berishaj – procesi mund të zgjasë deri në gjashtë muaj

Gjatë muajit të kaluar emri i ambasadorit të Kosovës në Kroaci, Martin Berishaj u përmend nga mediat sllovene për përfshirje në një skandal financiar.

Ishte mediumi slloven “Planet TV”, i cili raportoi për aferën financiare të kryetarit të partisë Lëvizja për Liri, Robert Golob, i cili është duke u hetuar ndërkombëtarisht për disa transaksione që i ka dërguar nga një degë serbe e furnizuesit energjetik slloven GEN-I, te kompania e ambasadorit kosovar, MB Consulting.

Kompania MB Consulting e Berishajt supozohet se ka marrë 600 mijë euro, të cilat janë tërhequr vazhdimisht në para të gatshme. Këto pretendime i ka mohuar vetë ambasadori Berishaj. Madje, ai kishte paralajmëruar padi ndaj gazetarit slloven, për shpifje ndaj tij.


Ambasadori Berishaj i quan shpifje akuzat se është i përfshirë në një skandal financiar: Padia ime i hapë rrugë fjalës së fundit në gjykatë
Lexo po ashtu Ambasadori Berishaj i quan shpifje akuzat se është i përfshirë në një skandal financiar: Padia ime i hapë rrugë fjalës së fundit në gjykatë

Pas këtyre raportimeve, Agjencia Kundër Korrupsionit ka nisur tashmë procedurat për verifikimin e pasurisë së ambasadorit Berishaj.

Në një përgjigje me shkrim për Telegrafin, nga AKK kanë deklaruar se ky proces pritet të përfundoj brenda afateve ligjore.

“Agjencia kundër Korrupsionit ka iniciuar procedurat për verifikim të pasurisë së deklaruar nga z. Berishaj. Ky rast do të trajtohet sipas ligjit dhe brenda afateve ligjore. Afatet kohore për verifikim administrativ (sipas nevojës edhe hetimi administrativ) kryhet konform paragrafit 3, kreu 5 i Ligjit Nr. 03/L- 159 për Agjencinë Kundër Korrupsionit”, thuhet në përgjigjen e AKK-së.

E në Ligjin Nr. 03/L- 159 për Agjencinë Kundër Korrupsionit, kreu 5 “Procedura e hetimeve paraprake” neni 18 paragrafi 3 thuhet se “Hetimet paraprake duhet të përfundojnë brenda një periudhe kohore prej gjashtë (6) muajsh nga momenti i inicimit të hetimit, përjashtimisht në raste të veçanta Drejtori i Agjencisë mund të lejoj zgjatjen e afatit me së shumti edhe 6 muaj”.

Ligji Nr. 03/L- 159 për Agjencinë Kundër Korrupsionit

Ambasadori Berishaj në deklarimin e pasurisë që kishte bërë në Agjencinë Kundër Korrupsionit në vitin 2021, nuk figuron emri i kompanisë MB Consulting i cili u përmend nga mediat sllovene.

Berishaj në AKK kishte deklaruar se si pasuri të paluajtshme posedon dy banesa, një shtëpi dhe tokë, të gjitha këto në vlerë 382 mijë euro.

Gjithashtu si pasuri të luajtshme Berishaj kishte deklaruar dy vetura të tipit Mercedes E 200 dhe Audi 8, të blera me kursime në vlerë 57 mijë euro. Ambasadori në vitin 2021 kishte deklaruar se posedon 25 mijë euro në bankën “Nova Ljubljanska Banka” në Slloveni.


Deklarimi i pasurisë nga ambasadori Martin Berishaj në AKK për vitin 2021

Deklarimi i pasurisë nga ambasadori Martin Berishaj në AKK për vitin 2021

Dje mediat malazeze raportuar se ambasadorit në fjalë i janë bllokuar xhirollogaritë e kompanisë shkaku i një borxhi në vlerë 30 mijë euro.

“Sot janë bllokuar llogaritë e kompanisë së Berishës në Mal të Zi për shkak të një borxhi prej 31,014 euro”, shkruante Press.co.me.

Skandali financiar, media malazeze shkruan se i janë bllokuar xhirollogaritë ambasadorit Martin Berishaj
Lexo po ashtu Skandali financiar, media malazeze shkruan se i janë bllokuar xhirollogaritë ambasadorit Martin Berishaj

Lidhur me rastin e ambasadorit Berishaj, kishte reaguar edhe presidentja Vjosa Osmani, e cila kërkoi raport me shkrim nga ambasadori i Kosovës në Kroaci.

Zëdhënësi i Qeverisë së Kosovës, Përparim Kryeziu, kishte thënë se duhet pasur kujdes lidhur me pretendimet për përfshirjen e ambasadorit Berishaj në skandal financiar.

Së fundmi ministrja e Punëve të Jashtme dhe Diasporës, Donika Gërvalla deklaroi se që nga fillimi nuk kanë pasur asnjë arsye që të dyshojnë në deklaratën e Berishajt.

“Ne kemi pasur deklaratën e tij që në fillim dhe nuk kemi pasur asnjë arsye që të dyshojmë në deklaratën e ambasadorit Berishaj, duke e njohur jo vetëm personalitetin e tij – por duke njohur edhe kontributin e tij të jashtëzakonshëm”, tha ajo sot në Klan Kosova.

Telegrafi ka dërguar pyetje edhe në adresë të MPJD-së, për të parë se çfarë do të ndërmarrin në vazhdim e tutje lidhur me pozitën e ambasadorit Berishaj, por të njëjtit deri në momentin e publikimit të këtij artikulli nuk kanë kthyer përgjigje.

Për supozimet e përfshirjes së ambasadorit në skandal financiar, paritë opozitare në Kosovë kanë kërkuar një hetim lidhur me këtë çështje. Madje në një seancë të Kuvendit të Kosovës, PDK e LDK kërkuan shkarkimin e ambasadorit Berishaj, duke thënë se Kosova nuk guxon të rrezikojë partneritetin me një shtet mik si Kroacia.

Për raportimet rreth ambasadorit Berishaj, kishte folur edhe kryetari i Kuvendit të Kosovës, Glauk Konjufca. Konjufca kishte thënë se “kushdo që ka përgjegjësi për gjithçka do ta merr vendimin e merituar”.

Konjufca për rastin e ambasadorit Berishaj: Kushdo që ka përgjegjësi për gjithçka do ta merr vendimin e merituar
Lexo po ashtu Konjufca për rastin e ambasadorit Berishaj: Kushdo që ka përgjegjësi për gjithçka do ta merr vendimin e merituar

Para deputetëve, kryekuvendari kishte deklaruar se ky rast është shumë e rëndësishme që të sqarohet dhe se “besoj se do të sqarohet”.

“Por ju kisha lutur për kujdes sa i përket vetëm një dimensioni. Z Berishaj ishte një dëm kolateral në këtë betejë dhe aspekt sekondar, dhe nuk duhet të merret si absolutisht e vërtetë”, është shprehur ai.

Në dhjetor të vitit 2021, Berishaj zyrtarisht ka marrë postin e ambasadorit të Kosovës në Kroaci, duke zëvendësuar ish-ambasadorin, Gëzim Kasapolli. /Telegrafi/

Në trend Lajme

Më shumë
Edi Rama “përfshihet” në debatin e plazheve, publikon video nga Velipoja me plot pushues

Edi Rama “përfshihet” në debatin e plazheve, publikon video nga Velipoja me plot pushues

Lajme
Ardhja e mërgimtarëve, nis krijimi i kolonave në kufirin me Serbinë

Ardhja e mërgimtarëve, nis krijimi i kolonave në kufirin me Serbinë

Lajme
Akademiku serb: Serbia nuk guxon as të mendojë për konflikt në Kosovë, derisa atje është NATO

Akademiku serb: Serbia nuk guxon as të mendojë për konflikt në Kosovë, derisa atje është NATO

Siguri
Këto janë 10 plazhet më të bukura shqiptare sipas revistës

Këto janë 10 plazhet më të bukura shqiptare sipas revistës "Condé Nast Traveler"

Lajme
Turistja franceze humb jetën në Liqenin e Komanit

Turistja franceze humb jetën në Liqenin e Komanit

Lajme
Jo temperaturat, por çmimet 'përvëluese' boshatisin plazhet në Shqipëri

Jo temperaturat, por çmimet 'përvëluese' boshatisin plazhet në Shqipëri

Lajme
Kalo në kategori