Presidenti amerikan Joseph Biden, ka mbërritur sot në orët e pasdites në Gjenevë, ku nesër do të takohet me presidentin rus Vladimir Putin.

Siç raporton Reuters, Biden në Gjenevë ka mbërritur në ora 16:16 sipas orës lokale, transmeton Telegrafi.

Zyrtarë të lartë të administratës së Bidenit, kanë bërë të ditur se nuk priten rezultate të mëdha nga samiti i parë mes Bidenit dhe Putinit.

“Nuk presim rezultate të mëdha pas këtij samiti”, ka thënë një zyrtar amerikan në momentin që aeroplanit presidencial Air Force One po ateronte në Gjenevë. /Telegrafi/