Ky është momenti kur udhëtarët në një fluturim nga Londra në Turqi ndalojnë një njeri që të dëbohet nga Britania e Madhe, duke kërkuar që ai të hiqet nga aeroplani.

Sipas mediave të huaja, përcjell Telegrafi, burri u soll brenda aeroplanit të Turkish Airlines në aeroportin Heathrow të martën pasdite, pak para se të ishte nisur për në Stamboll, i shoqëruar nga katër zyrtarë.

Në pamjet dramatike thuhet se burri bërtet me të madhe duke thënë se ai po ndahet nga familja e tij për t’u çuar në Somali, duke frikësuar udhëtarët e tjerë.

Pas një kohe, mund të dëgjohen zyrtarët duke u thënë pasagjerëve se burri nuk paraqet rrezik.

Megjithatë, me insistimin e pasagjerëve, ai përfundimisht u largua nga aeroplani. /Telegrafi/

ot