Agron Selamani ofron dorëheqje nga Flamurtari, kryesia nuk e pranon

Flamurtari i Prishtinës nga katër ndeshje ka vetëm një barazim dhe të gjitha humbje, duke arritur vetëm një pikë dhe renditet i fundit në tabelën e elitës së futbollit të Kosovës.

Agron Selmani ka afruar dorëheqje, por e cila nuk është pranuar nga kryetari i klubit .

Ai këtë e ka publikuar në faqen e vet në facebook, ku e ka treguar situatën e tij.

“Nuk ka vend për demoralizim, ka vend për punë dhe sjellje më të përgjegjshëm në rrugëtimin e KF Flamurtarit drejt objektivave të veta”.

“Kryetrajneri është një bashkëpunëtor profesional i cili me dijen dhe kapacitetin që ka ofron shërbimet e veta aty ku kërkohen, por njëkohësisht merr përgjegjësin dhe në mënyrë të përgjegjshme reflekton për pozicionin e vetë në kohën dhe momentin e duhur”.

“Në KF Flamurtar nuk e kemi nis mirë sezonin garues dhe nisur nga kjo situatë dhe nga këto parime pas ndeshjes në Pejë, unë i kam ofrua kryetarit të klubit, Imer Ademit, dorëheqjen time nga posti i kryetrajnerit, i bindur se klubit në këtë kohë i duhet një udhëheqës i ekipit pak më ndryshe.

“Kryetari i klubit, Imer Ademi, nuk e pranoi dorëheqjen time, duke dhënë mbështetjen për shtabin teknik dhe për lojtarët në realizimin e objektivave të klubit”, shkruan Selmani.