Miley Cyrus tha se ajo dhe ekuipazhi i saj janë mirë dhe të sigurt pasi një aeroplan me të cilin po shkonin në Paraguai për një koncert u godit nga rrufeja dhe u detyrua të bënte një ulje emergjente.

“Për fansat e mi dhe të gjithë të shqetësuar pasi dëgjuan për fluturimin tim në Asuncion. Avioni tonë e zuri një stuhi e madhe e papritur dhe u godit nga rrufeja”, postoi ajo në Instagram herët të mërkurën (23 mars).

“Ekuipazhi im, grupi, miqtë dhe familja ime që të gjithë udhëtonin me mua janë të sigurt pas një ulje emergjente. Fatkeqësisht nuk mundëm të fluturonim në Paraguaj. Ju dua”, shkroi tutje Cyrus.

Foto: Getty Images

Krahas mbishkrimit të saj, këngëtarja e “Midnight Sky” postoi një video të motit të stuhishëm si dhe një foto të dëmtimit të avionit të saj të shkaktuar nga rrufeja.

Sapo ajo postoi në rrjetet sociale, postimi i saj u vërshuan nga lutjet dhe urimet e miqve dhe fansave, shkruan PageSix.

Foto: Miley Cyrus/Instagram

Vetëm disa orë para ngjarjes së frikshme, ylli 29-vjeçar performoi në Bogota të Kolumbisë.

Cyrus ka performuar në të gjithë Amerikën e Jugut si pjesë e turneut të saj “Miley Live”.

View this post on Instagram

A post shared by Miley Cyrus (@mileycyrus)


Ndërsa tani, këngëtarja e “Wrecking Ball” pritet të performojë në Lollapalooza Brazil më 26 mars.

Të gjitha lajmet nga Miley Cyrus Të gjitha lajmet nga Miley Cyrus

Ndërkohë edhe disa ngjarje kulturore, përfshirë Machine Gun Kelly, u anuluan për shkak të motit të keq në vend. /Telegrafi/