LAJMI I FUNDIT:

Adoleshenti ende nuk ka mundur ta gjejë veturën e parkuar një javë më parë, tani ofron një shpërblim për ata që e ndihmojnë

Adoleshenti ende nuk ka mundur ta gjejë veturën e parkuar një javë më parë, tani ofron një shpërblim për ata që e ndihmojnë

Një i ri që voziti më shumë se 100 milje për të marrë pjesë në një festival muzikor në Bristol, Angli – edhe një javë më pas është ende në kërkim të makinës së tij të parkuar.

Sipas mediave të huaja, përcjell Telegrafi, Connor Spear shkoi në “Tokyo World” fundjavën e kaluar pasi bëri udhëtimin dy-orësh nga shtëpia e tij në Plymouth.

Por 19-vjeçari nuk arriti të ”shënojë” se ku parkoi automjetin e tij dhe që prej asaj kohe nuk ka qenë në gjendje ta lokalizojë.

Dhe nëna e Connor, Sally Jeffery tha: “Jam e shkatërruar dhe e mërzitur që ai ka qenë kaq i papërgjegjshëm”.

Connor u largua nga Plymouth me dy shokë të Shtunën e kaluar (21 shtator) me veturën tij Vauxhall Corsa, të cilën mamaja e tij e përshkroi si “krenaria dhe gëzimi” i tij.

Pasi doli nga “Holiday Inn” në Filton Road, Connor u ndal për të marrë tre shokë nga klubi i natës “Motion” pranë Stacionit Meads Station.

Ndërsa grupi ishte në afërsi të Parkut Eastville, ata e kishin të vështirë të gjenin një hapësirë aty pranë, por u vendosën në një vend përgjatë një rruge banimi përpara se të bënin një udhëtim 10-minutësh me taksi në destinacionin e tyre.

Kur Connor shkoi të kërkonte makinën e tij të nesërmen, megjithatë, ai u fut në telashe pasi nuk ishte në gjendje të njohë rrugën në të cilën parkoi.

Kështu, duke dështuar ta gjente vetë, këtë fundjavë, megjithatë, misioni vazhdoi me të dhe nënën e tij që shkuan në Bristol për një përpjekje të përbashkët kërkimi.

Por, me gjithë përpjekjen e tyre të guximshme, ata nuk ishin në gjendje të gjenin veturën e tyre “të humbur”.

Në këtë drejtim, ata kanë publikuar edhe një shpallje duke ofruar 100 funte për atë që i ndihmon në gjetjen e veturës së tyre.

Connor bleu makinën e tij për 2.500 funte dy vjet më parë, menjëherë pasi kaloi provën e tij të vozitjes, sipas nënës së tij. /Telegrafi/

Në trend Auto

Më shumë
Pastrimi i akumulatorëve: Në cilat automjete (nuk) është i nevojshëm dhe si bëhet!

Pastrimi i akumulatorëve: Në cilat automjete (nuk) është i nevojshëm dhe si bëhet!

Auto

"A e dini pse ju ndaluam?"- si t'i përgjigjeni kësaj pyetjeje të policisë rrugore

Auto
Brenda qytetit me më pak se gjysmë milioni banorë, aty ku për gjashtë muaj janë braktisur 14 mijë vetura

Brenda qytetit me më pak se gjysmë milioni banorë, aty ku për gjashtë muaj janë braktisur 14 mijë vetura

Auto
E fitoi Ford Mustangun për ditëlindje, nën ndikimin e alkoolit e shkatërroi veturën e re – pamje nga aksidenti në Çeki

E fitoi Ford Mustangun për ditëlindje, nën ndikimin e alkoolit e shkatërroi veturën e re – pamje nga aksidenti në Çeki

Auto
Lamborghini përditëson logon

Lamborghini përditëson logon

Auto
Rrethrrotullimi magjik: Duket kaotik, por shpëton jetë

Rrethrrotullimi magjik: Duket kaotik, por shpëton jetë

Auto
Kalo në kategori