Dy partitë opozitare Aleanca për Ardhmërinë e Kosovës dhe Nisma për Kosovën ende nuk e dinë se çka do të bëjnë ditën kur parashihet që në Kuvendin e Kosovës të votohet demarkacioni me Malin e Zi
Krejt çka dihet deri më tani për dy partitë opozitare që janë bashkuar në një koalicion është vota kundër demarkacionit dhe mos pjesëmarrja në protesta.
Muharrem Nitaj, nga AAK dhe Valdete Bajrami nga Nisma për Kosovën kanë bërë të ditur se ata do të marrin pjesë në seancën e 1 shtatorit dhe se vota e tyre do të jetë kundër. Por kanë hedhur poshtë mundësinë e protestës, ashtu siç është paralajmëruar nga Lëvizja Vetëvendosje, shkruan KosovaPress.
Zëdhënësi i AAK-së, tha për KosovaPress se partia e Ramush Haradinajt do të përdorë të gjitha mundësitë e saj që të parandalojë ratifikimin e marrëveshjes për demarkacionin me Malin e Zi.
“Ne do të bëjmë të pamundurën jo vetëm që ta japim votën kudër ratifikimit të kësaj marrëveshje, por edhe të ushtrojmë eventualisht edhe ndikimin sa të jetë e mundur te deputetët tjerë që edhe ata mos ta mbështesin dhe mos të ndikojnë që një marrëveshje shumë e dëmshme për Kosovën të ratifikohet në Kuvendin e Kosovës. Kjo do të ishte skandaloze sikur të ndodhte”, tha Nitaj, përmes telefonit.
Nitaj ka përjashtuar mundësinë e pjesëmarrjes në protesta të kësaj partie, duke shtuar se ka kaluar koha që kjo çështje të trajtohet në rrugë.
“Atëherë kur ka qenë e nevojshme AAK ka qenë pjesë e protestave. Qoftë përmes bllokut të përbashkët apo të ndarë dikur më vonë edhe si e vetme edhe kur nuk është mbështetur nga partitë tjera. Ne vlerësojmë që aktualisht beteja për ndalimin e kësaj marrëveshje nuk bëhet në rrugë por ne besojmë që beteja për mos ratifikimin e kësaj marrëveshje tani ka mbërri në fazën kur ajo duhet të zhvillohet në Kuvendin e Kosovës. Kosova ka nevojë që të mos e ratifikojë këtë marrëveshje me votë”, tha Nitaj.
Ndërsa, deputetja nga Nisma për Kosovën, Valdete Bajrami, tha se ende nuk kanë vendosur për veprimet që do deputetët e kësaj partie do të ndërmarrin më 1 shtator.
“Sa i përket veprimeve të cilat pritet t’i ndërmarrim ne si Nisma në Kuvend apo jashtë Kuvendit i ngelen organeve të Nismës, e cila konkretisht Kryesia e Nismës pritet të mblidhet gjatë kësaj jave. Cilindo vendim që do e merr Kryesia ne do ta zbatojmë brenda në Kuvend. ..Mirëpo mos të kenë atë qetësi pushteti që e kanë ndoshta vetëm një forcë politike e cila është duke i kundërshtuar një forcë opozitare. Në këtë rast jemi edhe Nisma edhe AAK-ja , fuqishëm për me kundërshtua këtë marrëveshje. Andaj mos të mendojnë që e kanë vetëm Vetëvendosjen të vetme në këtë pikë… Besoj që koha të cilën e ka thirr Vetëvendosja është shumë e shkurtër dhe nuk është momenti që nuk mundesh me i pas njerëzit dhe gjithë aktivistet dhe anëtarësinë pasi është kohë pushimi. Pikërisht edhe Qeveria po e shfrytëzon këtë kohë duke e ditur që qytetarët ndoshta e kanë vëmendjen pak më të tërhequr prej politikës….Ne kemi qenë vazhdimisht në kontakt me qytetarët dhe ata shpresoj që edhe pa ftesë të Vetëvendosjes ose të Nismës, AAK-së do të jenë në sheshe për të kundërshtuar këtë marrëveshje”, tha Bajrami.
Ndryshe, Lëvizja Vetëvendosje ka paralajmëruar protestë ditën kur në Kuvend pritet të votohet demarkacioni me Malin e Zi.
Partia e Visar Ymerit së bashku me AAK-në dhe Nismën para një viti ishin bashkuar në një bllok opozitar kundër Qeverisë PDK-LDK.
Opozita ishte bashkuar me qëllim që të pengonin dy marrëveshjet, atë për Demarkacionin dhe Asociacionin e Komunave Serbe.
Ky bashkim opozitar nuk vazhdoi gjatë pasi që blloku u përça dhe liderët e partive nuk mundën të gjejnë kompromis mes vete.
Tash AAK dhe Nisma kanë formuar një koalicion opozitar, ndërsa VV vepron e vetme. /KosovaPress/
Lufta Prigozhin - Putin
Më shumëNga Rubrika
“Daily Mail” shkruan për kosovarin me nënshtetësi angleze që po mbahet në një burg ferri në Serbi
Pasuria e kryetarit të Suharekës e deklaruar në Agjencinë për Parandalimin e Korrupsionit
Shpërthimi me tritol në banesën e gjyqtarit, reagon KLGJ: Dënojmë aktin kriminal
Shqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur