LAJMI I FUNDIT:

15 vjet nga vdekja e presidentit historik Ibrahim Rugova, politikanët vlerësojnë lartë kontributin e tij për shtetësinë e Kosovës

15 vjet nga vdekja e presidentit historik Ibrahim Rugova, politikanët vlerësojnë lartë kontributin e tij për shtetësinë e Kosovës

Shumë figura politike kanë kujtuar presidentin historik të Kosovës, Ibrahim Rugova, në 15 vjetorin e vdekjes.

Kryetari i LDK-së, Isa Mustafa ka thënë se në janarin e acartë të vitit 2006, iku në amshim shkrimtari, studiuesi i letërsisë, lideri dhe presidenti historik Ibrahim Rugova.

“Intelektuali, politikani i urtë dhe mendimtari i thellë me mençuri dhe guxim kishte projektuar qartë lirinë dhe pavarësinë e Kosovës. Ai ndërtoi themelet e shtetit tonë mbi parimet: Liri, Pavarësi dhe Demokraci. Sot, kujtojmë themeluesin e LDK-së dhe kryetarin e saj të pavdekshëm, Dr. Ibrahim Rugova”, ka thënë Mustafa.

Mustafa ka shtuar se pesha historike e Rugovës është e rëndësisë më të veçantë ngase ai do të mbetet lideri historik që e ndërkombëtarizoi si dhe e bindi botën demokratike që të çlirohet Kosova nga okupimi serb, të themelohet shteti dhe të shpallet pavarësia.

“Ai është arkitekt i shtetit dhe pavarësisë së Republikës së Kosovës. Urtësia dhe largpamësia e tij, na duhet edhe sot dhe na ndjekë gjithmonë në rrugëtimin tonë politik. LDK-ja në vazhdimësi ka shprehur zotimin e saj se do të punoj me përkushtim për zhvillimin e vendit, vizion ky i Presidentit Historik Dr. Ibrahim Rugova”, shtoi Mustafa.

Kryetari i LDK-së, më tej shtoi se trashëgimia politike që ai la pas është bazament i shtetit të Kosovës.

Homazhe te varri i presidentit Rugova, ka bërë edhe lideri i AAK-së, Ramush Haradinaj.

Haradinaj shtoi se Kosova i është mirënjohëse për kontributin e tij për liri dhe pavarësi.

“Sot nderojmë vendin ku pushon turpi i tij. Kosova është mirënjohëse për kontributin historik për lirin dhe pavarësinë e Kosovës. Do të jetë i përjetshëm kujtimi për të dhe respekti”, tha Haradinaj.

Homazhe ka bërë edhe ushtruesja e detyrës së presidentes, Vjosa Osmani së bashku me liderin e LVV-së, Albin Kurti.

“Jemi këtu për ta nderuar kujtimin e presidentit historik, njeriu që i bëri bashkë shqiptarët drejt kauzës së lirisë dhe pavarësisë, dhe njeriu që diti të ndërtojë urat më të fuqishme të miqësive me shtetet që edhe sot na qëndrojnë pranë. Themelet që ai ndërtoi do të mbesin përgjithmonë si udhërrëfyes për ne”, u shpreh Osmani.

Kurti e quajti Rugovën presidenti i parë i Republikës së parë të Kosovës, derisa vlerësoj punën e tij.

“Erdhëm që të vendosim një kurorë me lule të freskat te varri i presidentit të parë të Republikës së parë të Kosovës, Ibrahim Rugova. Duke kujtuar insistimin e tij politik, përkushtimin e tij, qetësinë dhe durimin njerëzor”, tha Kurti. /Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori