Manchester Unitedi ka zyrtarizuar sot (e shtunë) transferimin e mbrojtësit të djathtë, Aaron Wan-Bissaka, i cili vjen nga Crystal Palace.

Ka përfunduar me sukses saga e transferimit të mbrojtësit anglez nga Crystal Palace te Manchester Unitedit.

Është vet klubi nga Old Trafford që ka zyrtarizuar gjatë ditës transferimin e anglezit Wan-Bissaka.

“Manchester United është i kënaqur të konfirmoj nënshkrimin e Aaron Wan-Bissaka nga Crystal Palace”.

Wan-Bissaka duke nënshkruar kontratën me Unitedin (Foto: Man Utd/Twitter)

“Aaron ka nënshkruar një kontratë pesëvjeçare me mundësi për të vazhduar edhe për një vit tjetër”.

“Mbrojtësi 21-vjeçar erdhi nga radhët e Akademisë së Crystal Palace. Ai bëri debutimin e tij profesional në shkurt 2018 dhe mori çmimin si lojtari më i mirë i vitit nga tifozët dhe gjithashtu lojtari i sezonit te Palace”.

Pas Wan-Bissakas, Unitedi i do edhe dy reprezentues të Anglisë Pas Wan-Bissakas, Unitedi i do edhe dy reprezentues të Anglisë

“Aaron përfaqësoi Anglinë në Kampionatin Evropian të UEFA-s U-21 të këtij viti”, shkruan në njoftimin e klubit anglez.

Shifra e transferimit të tij nuk është bërë publike, por thuhet se Unitedi ka paguar 50 milionë funte apo 56 milionë euro. /Telegrafi/