Zyrtare: Shtyhet ndeshja mes Vllaznisë dhe Drenicës

Ishte paraparë që gjatë ditës së sotme të përfundonte java e 20-të në elitën e futbollit kosovar.

Ndeshja e fundit e kësaj jave ishte mes Vllaznisë dhe Drenicës por që nuk do të zhvillohet ditën e sotme.

Ka qenë Komisioni i Garave në Federatën e Futbollit të Kosovës që ka vendosur për shtyrjen e ndeshjes.

Kësisoj Vllaznia dhe Drenica do të përballen ditën e martë në stadiumin e qytetit në Gjilan me fillim nga ora 13:00.

“Ndeshja e fundit e javës së 20-të në Vala Superligë ndërmjet Vllaznisë dhe Drenicës, e paraparë për t’u zhvilluar sot në Stadiumin e Qytetit në Gjilan, është shtyrë për shkak të reshjeve të mëdha të borës”.

“Komisioni i Garave ka vendosur që kjo ndeshje të shtyhet për një ditë dhe e njëjta të luhet të martën në orën 13:00, në të njëjtin stadium”, thuhet në njoftimin zyrtar nga Federata e Futbollit të Kosovës.

Pas 19 ndeshjeve në Superligë, Vllaznia ka marrë vetëm tetë pikë dhe ndodhet në pozitën e fundit në tabelë ndërsa Drenica zë pozitën e tetë në tabelë me 29 pikë. /Telegrafi/