Zjarrvënie para objektit të Kuvendit të Maqedonisë, digjen fotografitë e deputetëve të shumicës parlamentare

Pas eskalimit të protestës tek sheshi Skenderbeu në Shkup, protesuesit janë zhvendosur tashmë tek objekti para Kuvendit të Maqedonisë.

Përmes brohortijeve “Dorëheqje”, “Tradhtarë” , protestuesit kanë djegur transparentin me fotografi të deputetëve të shumicës parlamentare.

Protestat e inicuara nga opozita maqedonase OBRM-PDUKM dhe E Majta, kanë filluar tashmë disa ditë në qytetin e Shkupit.

Përmes protestës ata shpehen se nuk e pranojnë propozimin francez i cili sipas tyre mohon identitetin, gjuhën dhe historinë e Maqedonisë.

Qeveria e Maqedonisë për të shmangur keqkuptimet dhe tensionet e përsëritura tashmë nga opozita, ka filluar me mbledhjen e grupeve punuese nga të gjitha partitë e vendit për të sqaruar pikat përmbajtësore nga propozimi francez.

Takimi i parë i grupeve punuese i mbajt sot, ndërsa i njejti përfundoi pa asnjë arritje suksesi.

Në ora 22:00 pritet të del kreu i partisë inicuese të protestave, OBRM-PDUKM, Hristijan Mickovski në një konferencë të jashtëzakonshme për mediat.