Zhvendosej në lokal të ri, pronaren e librarisë në Miçigan e ndihmuan komuniteti për bartjen e librave – morën pjesë 300 persona

Një librari në Miçigan mblodhi një “brigadë librash” me më shumë se 300 njerëz, për t’i lëvizur 9,100 pjesë të inventarit nga vendndodhja e saj e vjetër në hapësirën e saj të re – një libër në një kohë.

Michelle Tuplin, pronare e Serendipity Books në Chelsea, bëri një thirrje për vullnetarë kur erdhi koha për të zhvendosur gjësendet dhe librat në një objekt më të madh rreth 350 metra nga objekti i mëparshëm.

Më shumë se 300 vullnetarë dhe një qen – formuan zinxhirë njerëzorë midis dy ndërtesave dhe kaluan libra një nga një sipas rendit alfabetik.

“Njerëzit i konsiderojnë vërtet libraritë e pavarura të tyret”, tha Tuplin për NBC News.

“Është me të vërtetë një pjesë e komunitetit dhe ata kanë pronësi”, shtoi Tuplin, transmeton Telegrafi.

Ajo tha se i gjithë operacioni zgjati më pak se dy orë.

“Të shohësh komunitetin të dalë dhe, e dini, të vësh në veprim të gjitha ato fjalë që ata thonë, zakonisht thonë, kjo do të thoshte vërtet botën”, tha Tuplin.

Ajo tha se njerëz të të gjitha moshave morën pjesë në këtë ngjarje.

“Ishte një grua 91-vjeçare. Ishte edhe një klient i mirë që kishte probleme me zemrën e tij. Ishte dikush me fëmijën e tyre 6-vjeçar. Dhe ne menduam se nëse e bënim atë libër pas libër, të gjithë mund të përfshiheshin”, tha Tuplin. /Telegrafi/

View this post on Instagram

A post shared by Serendipity Books (@serendipity_books_chelsea)