Zbulohen pagat e TikTok dhe ByteDance – inxhinierët më të kërkuarit, këto janë shumat e majme që marrin ata

Profesioni i inxhinierit është një nga më të vlerësuarit në TikTok, aplikacioni që u shfaq vitin e kaluar si një emër i njohur në media dhe teknologji.

Kompania, e cila është në pronësi të ByteDance, aktualisht liston afërsisht 3,500 vende pune në bordin e saj të punës, dhe më shumë se 600 prej tyre përfshijnë “inxhinier” në titull, shkruajnë mediat e huaja, përcjell Telegrafi.

Dhe në këtë drejtim, Business Insider ka analizuar zbulimet e lëshuara nga Zyra e SHBA-së për Certifikimin e Punës së Jashtme për vizat e punës për të hedhur dritë mbi atë që TikTok dhe kompania mëmë ByteDance paguajnë për rolet inxhinierike.

Të dhënat publike pasqyrojnë se sa ofroi kompania për të paguar punonjësit e huaj që kërkonte të punësonte në SHBA.

Sipas mediumit në fjalë, aty përfshihen pagat për nga 386 aplikacione për certifikim të të huajve që u dorëzuan nga TikTok dhe ByteDance, dhe të certifikuara midis 1 tetorit 2019 dhe 30 shtatorit 2021. Nga ato aplikime, 226 ishin për role të lidhura me inxhinierinë.

Lexo po ashtu Zbulohen pagat e Apple – ja sa fitojnë inxhinierët, zhvilluesit e softuerit dhe punonjësit e tjerë në gjigantin e teknologjisë

Kështu, bazuar në të dhënat, TikTok dhe ByteDance u ofruan stafit në role inxhinierike, paga bazë vjetore që varionin nga 120,000 deri në 480,000 dollarë.

Në këtë drejtim, siç është bërë e ditur më tej, një inxhinier i softuerit celular, iOS paguhet deri në 215,000 dollarë ndërsa një inxhinier i rrjetit deri në 180,000 dollarë.

Gjithashtu, një Inxhinier i Softuerit të Rrjetit – SDN thuhet se paguhet deri në 288,000 dollarë, ndërkohë që një Inxhinier i Gjuhëve të Programimit deri në 240,000 dollarë; Inxhinier Kërkimor: 150,000 dollarë mesatare; duke filluar nga 120,000 dollarë deri në 220,000 dollarë; si dhe inxhinier sigurie deri në 168,000 dollarë.

Veç këtyre, thuhet se një Inxhinier i Lartë Softuerësh paguhet rreth 250,000 dollarë mesatarisht – duke filluar nga 184,080 dollarë në 270,000 dollarë; zhvillues i softuerit: mesatarja 180,000 dollarë – duke filluar nga 120,000 dollarë deri në 250,000 dollarë; si dhe Inxhinieri i Mbështetjes së Teknologjisë me rreth 218,360 dollarë.

Ndërkohë një Drejtor i Lartë i Inxhinierisë thuhet se ka një pagë vjetore mesatare rreth 460,000 dollarë -duke filluar nga 440,000 dollarë deri në 480,000 dollarë. /Telegrafi/